කණ්ඩාට බ්ලොග් අඩවි ගැන කුතුහලයක් ඇති වී දැනට අවුරුදු දහයක් පමණ වන්නේය … තමන්ටම කියා බ්ලොග් අඩවියක් ඇරඹීමට ඇති වූ අදහසත් අවුරුදු හත අටක් පැරණි මුත් වැළදුන බාලගිරි දෝසය හේතුවෙන් ලඟ පාතක් වනතුරුත් සිදු වුනේ නැත.
කණ්ඩාට තේරෙන විදිහට බ්ලොග් අඩවි දෙවර්ගයකි, ඒ කණ්ඩා වැනි කබ්බන් වෙලාව කා දැමීම උදෙසා බොහොම සැහැල්ලුවෙන් ලියන කියන දෑ අඩංගු “කැෂුවල් බ්ලොග්” (Casual Blogs) සහ යමක් කමක් තේරෙන, තම ක්ෂේත්රයේ විශේෂ දැනුමක් හිමි අයවලුන් හෙවත් වැඩ්ඩන් විසින් හඳුනා ගත් සීමා තුල විධිමත්ව පල කෙරෙන “ප්රොෆෙෂනල් බ්ලොග්” (Professional Blogs) ය.
මුල සිටම කණ්ඩාගේ උනන්දුව තිබුනේ මින් පළමුව සඳහන් කල “කැෂුවල් බ්ලොග්” (Casual Blogs) වෙතය … ඒ වායේ සරල සැහැල්ලු රචනා ශෛලිය මෙයට ප්රධානතම හේතුවයි !
බ්ලොග් අඩවියක් හෙවත් අපේ බාසාවෙන් නම් බ්ලොග් කට්ටක් (හෝ බෝගක් :-D) අටවා ගැනීමට දඟලන මුල් කාලයේ කණ්ඩාට තිබුන ලොකුම ගැටලුව වූයේ මේ සඳහා තෝරා ගන්නා මෘදුකාංගය හෙවත් Blogging Platform එක කුමක්ද යන්නයි ?
වැඩිමනක් තොරතුරු සොයා බලන විට අන් හැමටම ඉදිරියෙන් සිටින වඩා ප්රචලිත ප්රධාන විකල්ප දෙකක් කණ්ඩාට හමු විය, ඒ ගූගල් බ්ලොගර් (Google Blogger) සහ වර්ඩ්ප්රෙස් (WordPress) යන ද්විත්වයයි.
මේ අතරින් 1999 උපන් ගූගල් බ්ලොගර් වැඩිමහල් තැනැත්තියයි … 2003 උපන් වර්ඩ්ප්රෙස් යනු බාල නැගණියයි.
කණ්ඩා ගූගල් සේවා බෙහෙවින් ප්රිය කරන්නේය … පසුගිය වසර ගණනාවක් තිස්සේ භාවිතයෙන් Google Maps, Google Docs and Sheets කෙරෙහි දැඩි විශ්වාසයක් ඇත, ඉතින් ඒ සහ සම්බන්ධය නිසාම කණ්ඩා මුලින්ම හොයා බැලුවේ බ්ලොගර් ගැනය.
ගූගල් අන්තර්ජාලයේ බොහෝ සේවා අතර දැවැන්තයෙකු වන නමුත් බ්ලොග් කරුමාන්තය සම්බන්ධයෙන් නම් ගූගල් ගව් ගණනක් පිටු පසිනි … අපේ බාසාවෙන් කියනවා නම් මෙලෝ රහක් නැත !
එහෙයින් ලොව දැනට තිබෙන බ්ලොග් මෘදුකාංග (Blogging Platforms) වලින් වඩාත්ම සිත් ගන්නා සුළු සහ මුලිකයා වර්ඩ්ප්රෙස්ය.
මේ අයුරින් වටින් ගොඩින් විපරන් කර බලන විට අක්කාට වඩා නැගණිය බෙහෙවින් පියකරුය, ඉතින් ගමේ ගොඩේ බාසාවෙන් කියන්නේ නම් කණ්ඩාට සිදු වූයේ අක්කා බලන්න ගොස් නැගණිය සමග පෙමින් බැඳෙන්නටය …
වැඩේ කෙතරම් දුර දිග ගියේද කියතහොත් වැඩේ නතර වූයේ කණ්ඩා නැගණියත් සමග හඳ පානේම පැන යාමෙනි !
ඒ සඳහා නොයෙක් හේතු ඇත, බ්ලොග් අඩවි නිර්මාණයේදී යොදා ගන්නා අතිශය සිත් ගන්නා සුළු ටෙම්ප්ලේට් (Template) හෙවත් ආකෘති, බ්ලොග් අඩවි කළමණාකරණයේදී උදව් වන විවිධාංග (Management Tools), ඉදිරිපත් කිරීම (Look & Feel), මාධ්ය හැසිරවීමේ පහසුව (Content Management) මෙන්ම සංඛ්යා ලේඛන (Statistics) ඇතුළු දෑ ඒ අතර විශේෂයෙන් සඳහන් නොකළහොත් එය මදි පාඩුවකි !
වර්ඩ්ප්රෙස් වෙත මෙතෙක් වෙලා සුදු හුණු ගෑවා සේම ඇත්ත ඇති සැටියෙන් සමබරව ඉදිරිපත් කිරීමට නම් වර්ඩ්ප්රෙස් අඳුරු පස ගැනත් සඳහන් කල යුතුය.
නවකයන් හට කාලය ගත නොකර වර්ඩ්ප්රෙස් ඉගෙන ගැනීමට පහසු නැත, වෘත්තීමය IT කාරයකු වූ කණ්ඩාද වර්ඩ්ප්රෙස් වලින් ගොඩ යාමට ඇති පදම නා .. අනා… ගත්තේය.
වින්ද කරදර තරමට ලැබූ ප්රතිපලය ගැන සෑහීමකට පත් වුවත් මෙම නා .. අනා… ගැනීම කොහෙත්ම විනෝදජනක දෙයක් නම් නොවේ … පොඩි දෙයටත් මූලගින්න තද වෙන කණ්ඩාට ඉහේ කෙස් ඇද ගැනීමට සිදු වූ අවස්ථා එමටය.
එනිසා මුලදී බ්ලොග් අඩවියේ ලිපි ලිවීමට ගත කල කාලය මෙන් සිය ගුණයක කාලයක් වර්ඩ්ප්රෙස් සැකසීම වෙනුවෙන් වැය කිරීමට සිදු වීම කණ්ඩා බොහෝ අධෛර්යමත් කල දෙයකි.
නමුත් කණ්ඩා ඇලවෙන හැම විටම මුක්කු ගැසීමට නොපසුබටව ඉදිරිපත් වෙන කණ්ඩා හාමිනේ නිසා කණ්ඩා ගොඩ ගිය බව සඳහන් කිරීම වැදගත්ය, ඒ ඇය එයිට පෙර වර්ඩ්ප්රෙස් භාවිත කර ඇති හෙයිනි.
නමුත් කණ්ඩා හාමිනේද ප්රථම වරට වර්ඩ්ප්රෙස් ඉගෙනීමේදී කණ්ඩා වැටුන වලේම වැටුණාට නිසැකය !
මෙම හේතුව නිසා කොපමණ අලංකාර ටෙම්ප්ලේට තිබුනත්, කොතරම් පහසුකම් තිබුනත් බ්ලොග් අඩවි පටන් ගන්නා බොහෝ නවකයන් වර්ඩ්ප්රෙස් මග හැර බ්ලොගරයෙහිම පිහිට පතන්නනෝය.
එබැවින් වර්තමාන සිංහල බ්ලොග් කරුවන් අතරද එක වර්ඩ්ප්රෙස් භාවිත කරන්නකුට හට බ්ලොගර් භාවිත කරන්නන් සියයක් පමණ ඇත !
මෙලෙස දන්නා කස්තිරම් සියල්ල ඇල්ලීමෙන් වර්ඩ්ප්රෙස් බ්ලොගය ගොඩ දමා ගන්නට කණ්ඩා සමත් විය.
වර්ඩ්ප්රෙස් ලබා දෙන පහසුකම් පිලිබඳ කණ්ඩා අතිශයින්ම තෘප්තිමත්ය … ඒ අතින් බ්ලොගරය අලගු තියන්නත් මදිය.
කණ්ඩා නිතර ගොඩවදින බ්ලොගර් බ්ලොග් අඩවි මෙන්ම අනෙක් ප්රචලිත අඩවි Look & Feel පැත්තෙන් ගත් කල කණ්ඩාට දිරවන්නේම නැත … ඒ කණ්ඩා හිත පිනවන තරමටම ඇස පිනවන දේටද කැමති නිසාය.
මේ අතරේ කණ්ඩා හට සිංහල බ්ලොග් අඩවි පවත්වාගෙන යන කිහිපදෙනෙකු දැන හඳුනා ගැනීමට හැකියාව ලැබුනේය… මේ අතරින් මුල් වන්නේ කොච්චියා සහ අටම්පහුර බ්ලොග් අඩවිය පවත්වාගෙන අටමාය.
අටමා ගැන නොදන්නා සිංහල බ්ලොග්කරුවන් අඩුය, ඒ සිංහල බ්ලොග් ලිවීම පටන් ගන්නා බොහෝ දෙනා හට ඉතා උනන්දුවෙන් ලෝබකමක් නැතිව ලබාදෙන ගුරුහරුකන් නිසාවෙනි … එන ඕනෑම නවක බ්ලොග්කාරයෙකු වලට බැහැලාම ගොඩ දාන එක අටමාගේ සිරිතය.
අටමා බ්ලොගර් ජෝකියෙකි … අටමා යනු උග්ර වර්ඩ්ප්රෙස් විරෝධියෙක් හෙවත් වර්ඩ්ප්රෙස් බ්ලොග් මාරයෙකි !
නමුත් කණ්ඩාට ඇත්තේ වර්ඩ්ප්රෙස් බ්ලොගයකි … එනිසා අටමා සමග පැවති සංවාද වලින් කණ්ඩා එතෙක් නොහිතපු පැති කිහිපයකට ඇදගෙන යාමය සමත් විය.
**මෙම වර්ඩ්ප්රෙස් ආසාත්මිකතාවය අටමාට පමණක් විශේෂ වූ දෙයක් නොවේ … බොහෝ සිංහල බ්ලොග්කරුවන් වර්ඩ්ප්රෙස් යන නම පවා පිළිකුල් කරන බැවින් ඒ සඳහා බ්ලොග් බසින් “වදන් තදය”නම් වෙනම නාමයක්ද පටබැඳ ඇත්තේය … **
අටමාට වර්ඩ්ප්රෙස් යනු නයාට අඳු කොළ වැන්නේය … “වදන් තදය” භාවිත කරන කණ්ඩා වැනි මොලේ නැති ***** හමු වූ විට අටමා හට අසූ හාරදහටම තද වන්නේය.
ඒ කොච්චර තද උනත් කණ්ඩා ඇතුළු වදන් තදයන් ඇතුළු නවක බ්ලොග්කරුවන් කෙරෙහි ඇති සත්ව කරුණාව අටමාගේ උණ්ඩුක පුච්ච්ය පතුලෙන්ම මතු වන්නේය … ඉතින් අටමා තමන් දන්නා සබ්බ සකලමනාවම අන් කා හටත් මෙන්ම කණ්ඩා හටද බෙදා දීමට පසුබට නොවුනේය.
පහතින් ඇති එම සංවාදයේ සමහර තැන් අටං බසින් තිබූ නිසා ලාවට වාරණයක් දී පුද්ගලික කතා බහ ඉවත් කළා මිස කණ්ඩා සංවාදයේ හරය වෙනස් කිරීමකට ලක් කලේ නැත.
කණ්ඩා මෙය පල කරන්නේ මාස හයක් තිස්සේ එක එකාට කතා කර එහෙමත් නැතිනම් කියවා හොයා ගන්නට නොලැබුන බොහෝ දේ මෙහි ඇතුලත් වන නිසාය … අඩු ගණනේ මෙම ලිපිය කණ්ඩාට පසුව එන එකෙකුට හෝ ප්රයෝජනවත් වනු ඇත !
(යටින් ඇති සංවාදය අටමා හා කණ්ඩා අතර සිදු වූ පුද්ගලික කතාබහක් නිසා පල කරන්නේ අටමාගේ අවසර ඇතිවය. ඒ ඇරෙන්න මෙය අටමාට කරන සමච්චලයකටවත් අටමාට බටර් ගෑමක්වත් නොවේ, අනෙක සමාජයෙන් පදං වූඅටමා වැනි ජෝකියෙකුට ගෑමට බටර් නැවකුත් මදිය 😀 )
අටමා : මොකක්ද ඔයාගේ බ්ලොග් එක ?
කණ්ඩා : “කණ්ඩාගේ කොලම” ඒක මේ වැඩිය කවුරුවත් දන්න කියන එකක් හෙම නෙමෙයි ! මේක කියවන්නෙ යාලුවො කීප දෙනෙක් හැරු නහම අපේ ගෙදර උදවිය විතරයි !
අටමා : කෝ ලින්ක් එක ?
කණ්ඩා : https://kandascolumnblog.wordpress.com
අටමා : අපෝයි වදංතදයක් !
කණ්ඩා : ටිකක් වෙන්න වාතයි තමයි, හැබැයි ඇඩිමින් වැඩ ටික මම හාමිනේට පංගරාත්තු කළා, ඒක නිසා මට තියෙන්නේ කොටන එක විතරයි
අටමා : කියවන අයටත් වාතයි බං, කමෙන්ට් දැමිල්ල අමාරුයි
කණ්ඩා : මොකක්ද ඒකට හේතුව ?
අටමා : ප්රොෆයිල් හදන්න ඕන…
කණ්ඩා : ඩිංගක් කියවල කරල බලන්න ඕන, තාම ඒ හැටි දේවල් කරල බැලුවෙ නැහැ
අටමා : කෝ බන් මේකේ මම දාපු කොමෙන්ට් ??
කණ්ඩා : අටං දාපු කොමෙන්ටු එකක්වත් මට හම්බ උනේ නැහැ නොවැ ?
අටමා : හයක් දැම්මා බං, ඔය කාරනාව හන්දා තමයි වර්ඩ්ප්රෙස් බ්ලොග් වේලෙන්නෙ !
කණ්ඩා : ***** තියෙන්නේ එකක්වත් ආවෙ නෑ බං ! වෙන උන් දාපු එකක් දෙකක් නම් ආව හැබැයි !
කණ්ඩා : මොනවා කරන්නද බන් තව ටිකක් කල් හදා ගන්න බලල බැරි උනොත් බ්ලොගර් එකට බහිනවා
අටමා : මෙහෙමයි මචං තව ටිකක් කල් නෙමෙයි ගොඩක් කල් ගියත්, ඕක හදන්ඩ පුලුවන් කේස් එකකක් නෙමෙයි , තව කල් බලාගන ඉන්නවා කියන්නෙ තව තව අවුල් වෙනවා, දැම්මම බ්ලොගර් උඩට වරෙන්, පැය බාගේ වැඩක්නේ මචං … නැත්තං අපරාදෙ ඔතනට ඇවිත් යන මිනිස්සු
කණ්ඩා : එකත් හැබෑව ලියුං ටික කොපි කරලා ප්රොෆයිල් එක හදන්න විතරයි තියෙන්නේ …
අටමා : එහෙම කරල පරන පෝස්ට් ටික පබ්ලිෂ් කරල, ආයේ ඔතනට ලියන්න එපා
කණ්ඩා : නෑ මේක හැලුවොත් මකලම දානවා !
අටමා : මකල දාන එක හොදයි, කාටහරි ස්පේස් එකක් ඉතුරු වෙනවා
කණ්ඩා : මටම මේක අනල ඉගෙන ගන්න ආසයි බන් … මාව හිර උනොත් උදව්වක් දීපන් … මම දැන්ම වැඩේට බහිනවා !
අටමා : හරි නියමයි, අවුලක් උනොත් වයිබර් කරහං, 077 ### ####, ඔන උනොත් වයිබර් ඉන්නවා …
කණ්ඩා : එල…බොහොම ස්තුතියි, එහෙනම් ඔබය ජය !
අටමා : ඔතන තියන පොස්ට් 6 යේ ඔක්කොම තියනවා. අවුලක් ගියොත් බලහං
අටමා : ගුගල් ප්රොෆයිල් එක උඩ ඉදන් බ්ලොග් එක හදන්න එපා. බ්ලොගර් ෆෝපයිල් එකක් ක්රීෙයට් කරල ඒක උඩට ඇවිත් හදහං.
වදන්තද වදයෙන් අපිව ගලවා ගන්නවට ස්තුතියි !
අටමා : මොකද උනේ වැඩේ ගොඩද ?
කණ්ඩා : අනේ බං විධායකය විසින් නිෂේධ බලය පාවිච්චි කරා, වැඩේ කොට උඩ !
අටමා : එහෙනං ඉතින් එයාටම, කියවල එයාාටම කමෙන්ට් දාන්න කියහං
අටමා : අනේ මචං වැදල කියන්නං …..වරෙං බ්ලොගර් උඩට
කණ්ඩා : හික්… හික්…මම මාර ආසයි බං මේ ටෙම්ප්ලේට් එකට … ඉතිං හදා ගත්තු පැල දාල කොහෙ යන්නෑ ?
අටමා : **** අපිට ඔතන කමෙන්ට් කරන්ඩත් බැ … යන පොස්ට් එතට නෙමෙයි යන්නේ වෙන ***** වලට
කැමති දෙයක් කරහං මං දන්න දෙ තමයි උඹට කියුවේ, සිංහල බ්ලොග් කීයක් වර්ඩ් ෆෙරෙස් තියනවද, ඒවට කමෙන්ට් කියක් වැටෙනවද, ඒ කමෙන්ට් දාන්නේ වර්ඩ්ෆෙරෙස් කාරයොද, බ්ලොගර්ලද, කියල හොයල බලහං, ආ තව හොයල බලහං වදන්තද කීයක් බ්ලොගර් උඩට ආවාද කියල
කණ්ඩා : ඇයි බං මම ඒක හැදුවේ ?
අටමා : කියනදේ තේරෙන්නේ නැත්තං ඔතනම වැලලිලා පලයං *** *** වාගේ
ඔය වදං තද හුතුතට නං මොනව කලත් හරි යන්නේ නැ
කණ්ඩා : ඇයි බං උඹ මේකට කොමෙන්ට් කොටන්නේ FB වලින් ලොග් වෙලානෙ ඇයි ඒ?
Google account එකෙන් ලොග් වෙලා බලපංකො ?
උඹ ගූගල් වලින් ලොග් වෙලා බලපන් මම කියනවට එක පාරක් ! එතකොට කෙළින්ම යයි හරි තැනට …
අටමා : තෝව කොටියම කාපිය … හරි යයි තොගේ මං කියන්නේ නැ
ලොග් වෙන්ඩ බැ ***** !
ඔය ****ට කමෙන්ට් දාන්ඩ බැ…
මචං ඇත්තටමයි මට ඕකට ගුගල් ෆෝපයිල් එකෙන් ලොග් වෙන්න බැ …
ගොඩ දෙනෙකුට එහෙමයි ඒකයි වදං තද වවලට කමෙන් නැත්තෙ …
කණ්ඩා : අටං කිව්වට මම අර මට කලින් දුන්න ලිපි ටිකත් කියවල බැලුව Blogger සයිට් එකක් හැදුව. මේකෙ තියන ටෙම්ප්ලේට් ඔක්කොම මහ ගූ ගොඩවල්! 💩
මට දැන් තියන වදන් තද ටෙම්ප්ලේට් එක ලඟින් තියන්නත් මදි, හොයලා බලනව කොහොමද හිතට හරියන විදිහට හදා ගන්නෙ කියල… මං හිතන්නෙ මට මුල ඉඳං CSS & HTML ඉගෙන ගන්න වෙයි.
අටමා : උඹ බ්ලොගර් උඩට එන්ඩ එපා කොහොමටවත් මොකද මෙන්න මේ නිසා
/// මට දැන් තියන වදන් තද ටෙම්ප්ලේට් එක ලඟින් තියන්නත් මදි ///
ඔයා බලාපොරොත්තු වෙන දේවල් බ්ලොගර් වල නැ
බ්ලොග් කියවන උන් එන්නේ පිටුවේ ලස්සන බලන්න නෙමෙයි !
කියවන්න, තව කැමතියි කමෙන්ට් කරන්න … ඒ දෙකට හොදින් උදව් කරන සරල ටෙම්පලේට් එකක් තිබුනහම හොදටම ඇති, සරල එකකට වරෙං මචං …
අටමා : https://jangun.wordpress.com
https://arunishapiro.wordpress.com
https://arugeadaviya.wordpress.com
මචං ඔව්වත් වදන් තද තමයි, හැබැයි කියවන්නා අපහසුතාවයට පත් කරන්නේ නැ
බ්ලොගර් එකක් නං , ගජට් බැජට් මොකවත් ඕන නැ
යටිං කමෙන්ට් කරන්නයි, බ්ලොගර් පලොවරයයි, ලියාපු ලිපි ටිකයි, ලේබල් ටිකයි විතරක් තිබුනත් ඇති
ඒක එක ගැජට් බැජට් දාලා වාත කරන්ඩ එපා, බ්ලොග් කියවන ගොඩක් උං කියවන්නේ අපහසු කං මැද්දේ හරියට ඉන්ටර්නෙට් කනෙක්ෂන් එකක්වත් නැතුව, අනං මනං දැම්මහම ලෝඩ් වෙන්ඩ පරක්කු වෙනවා, වැඩිපුර ඩේටා කැපෙනවා
හදලා ඉවර කරපු දවසක , උඹ මෙතෙක් ලියාපු පෝස්ට් දවස් දෙකකට සැරය්පෝස්ට් වෙන්ඩ දාහං ඉස්සෙල්ලාම, ඊලගට අළුතිං ලියන ඒවා ඉස්සෙල්ලාම බ්ලොගර් එකට දාහං, ඊටත් කලිං අනිත් උන්ව දැනුවත් කරහං, උඹ අළුතිං මෙතනට ලියනවා කියල
කණ්ඩා : අඩේ ඩේට ගැන හිතුවෙම නෑ, ඉස්සරහට ඔලුවෙ තියා ගන්නං
බොහොම ස්තුතියි, නොහිතපු දැන නොහිටපූ දේ කියල දුන්නට
අටමා : අනේ පල යන්ඩ !
කණ්ඩා : ඇත්ත යකෝ, යමක් කරන්නං වාලේ කරන එකයි තේරුම් අරගන කරන එකයි වෙනස් !
ඉතිං බොක්කෙන්ම තැන්කූ හොඳේ …
ඉහත සඳහන් කල පරිදි වර්ඩ්ප්රෙස්හි සහ බ්ලොගර් අතර නොගැලපීම් බොහෝ ඇත්තේය … බ්ලොගර් ප්රොෆයිල් වලින් වර්ඩ්ප්රෙස් කමෙන්ට් දැමීමේදී ඇති අපහසුතා සහ වර්ඩ්ප්රෙස් කමෙන්ට් වලින් තම ප්රොෆයිල් වෙත යාමට නොහැකි වීම මේ අතර ප්රධානය.
බ්ලොග් අඩවියක් පවත්වාගෙන යන ප්රධාන කරුණ නම් තම ඔලුවේ කැකෑරෙන අදහස් වදන් වලට හැරවීමේ ආත්ම තෘප්තියයි … අනෙක බ්ලොග් අඩවියේ පාඨකයෝය, පාඨකයන් නැති බ්ලොග් අඩවියක් යනු මැස්සෝ ඇහිරෙන හෝටලයක් මෙන් වැදගැම්මකට නැත්තේය.
මේ කියපු නොකියපු කරුණු කාරණා හේතුවෙන් කණ්ඩා මේ ගත කරන්නේ දෙලොවක් අතර සංක්රාන්ති සමයකය.
ඒ පිලිබඳ වැඩි විස්තර පසුවට ගෙන ඒමට කණ්ඩා අදහස් කරන්නේය.
~ මතු සම්බන්ධයි !
නොවැම්බර් 8, 2016 at 4:54 පෙ.ව.
මම පුද්ගලිකව කැමතියි වදන් තදයට. වසර ගණනාවක් වෙබ් අඩවි එක්ක හැප්පුණු එකෙක් හැටියට wordpress තරම් එහෙට මෙහෙට කරකවලා වැඩ කරෝගන්න ටූල් එකක් තවත් නැහැ.
හැබැයි අටමා කියනවා වගේම wordpress බ්ලොග් වල කමෙන්ට් කරන එක ටිකක් වදයක්. අතිශය සුපිරි බ්ලොග් පවා වේලෙන ගතියක් තියෙනවා.
අරුණිගෙ බ්ලොග් එක ගත්තොත් පට්ට දැනුම් සම්භාරයක් බෙදන අධික පේජ් වීව්ස් සහිත බ්ලොගක්…හැබැයි පුතේ නෝ කමෙන්ට්ස් …
අපි ලියන්නෙ අනුන්ට කියවන්න නේ…එතකොට පාඨකයාගේ පහසුව තමා අංක එක.
කැමතියිකැමතියි
නොවැම්බර් 8, 2016 at 5:00 පෙ.ව.
මම පුද්ගලිකව කැමතියි වදන් තදයට. වසර ගණනාවක් වෙබ් අඩවි එක්ක හැප්පුණු එකෙක් හැටියට wordpress තරම් එහෙට මෙහෙට කරකවලා වැඩ කරෝගන්න ටූල් එකක් තවත් නැහැ.
හැබැයි අටමා කියනවා වගේම wordpress බ්ලොග් වල කමෙන්ට් කරන එක ටිකක් වදයක්. අතිශය සුපිරි බ්ලොග් පවා වේලෙන ගතියක් තියෙනවා.
අරුණිගෙ බ්ලොග් එක ගත්තොත් පට්ට දැනුම් සම්භාරයක් බෙදන අධික පේජ් වීව්ස් සහිත බ්ලොගක්…හැබැයි පුතේ නෝ කමෙන්ට්ස් …
අපි ලියන්නෙ අනුන්ට කියවන්න නේ…එතකොට පාඨකයාගේ පහසුව තමා අංක එක.
කැමතියිLiked by 2 people
නොවැම්බර් 8, 2016 at 5:23 පෙ.ව.
ඔව් බන් මම මාර ආසයි වර්ඩ්ප්රෙස් වලට Platform එකක් විදිහට … අනික බ්ලොගර් එකේ තියන හැම ෆීචර් එකක්ම දැනට අවුරුදු 10 ක් විතර පරණ අප්ඩේට් නොකරපුව .. එකට ගියාම හරියට Time Machine එකකින් අතීතෙට ගියා වගේ …
මම දැනට බ්ලොගර් සයිට් එක හදාගෙන යනවා … මට දෙයක් ආසාවෙන් කරන්න Visual Attraction එකක් තියෙන්න ඕන (සමහර විට මෝඩ කම වෙන්න ඇති 😀 ) … ඉතින් මේ බ්ලොගර් ලබ්බ තාම හිතට මදි !
අනික මම උඹයි අටමයි එක්ක වගේම හෙන්රි එක්කත් කතා බහ කරා … (මේ අටවෙනි හෙන්රි නෙමෙයි බ්ලොග්වෝකර් හෙන්රි) ඉතින් මටත් හදා ගත්ත පැල දාල යන්න බෑ බෑ වගේ …
ගොඩ වෙලාවට මම දෙකෙන්ම ලියන්න ඉඩ තියනවා, දෙපැත්තෙන්ම හොඳ දේවල් ගන්න බැරුවය !
කැමතියිLiked by 1 person
නොවැම්බර් 8, 2016 at 5:01 පෙ.ව.
අර උඩින් තියෙන කමෙන්ට් එක මගේම තමයි… වදන් තදය මාව මොංගල් කිරීමේ ප්රතිඵල
කැමතියිLiked by 1 person
නොවැම්බර් 8, 2016 at 5:25 පෙ.ව.
අනේ පලයන් යන්න උඹව අමුතුවෙන් මොනවද මොංගල් කරන්න තියෙන්නේ ?
කැමතියිLiked by 1 person
ජූනි 27, 2018 at 9:53 ප.ව.
අන්න ඒකයි මම කියන්නේ වදන්තද උඩදාගන කතා කරන වදන්තද එස්තාර්ල වෙච්ච උඹලටත් බැරිනං අපි කොහොමද ඔය හුත්තවල් වලට කමෙන්ට් කරන්නේ… දැං මේක දාන්ඩත් කී පාරක් කට්ට කන්ඩ වෙයිද දන්නේ නැ
කැමතියිකැමතියි
ජූනි 27, 2018 at 9:53 ප.ව.
හතරපාරක් දගලලා ඔය උඩ කමෙන්ට් එක දැම්මේ
කැමතියිකැමතියි
නොවැම්බර් 8, 2016 at 5:44 පෙ.ව.
උඹ ප්ලැට්ෆෝම් දෙකක ලියන එක බොරු වැඩක්. අපි හෙමිහිට කතා කරමු… වදන් තදය ම ගොඩ දා ගන්න විදියක්
කැමතියිLiked by 1 person
නොවැම්බර් 8, 2016 at 7:30 පෙ.ව.
බලමු හොඳ විදිහක් කොහොමත් බ්ලොගර් ටෙම්ප්ලේට් එකත් හදා ගන්න මම කැමතියි … දෙකම ඉගෙන ගන්න එක වටිනවා !
කැමතියිකැමතියි
නොවැම්බර් 8, 2016 at 6:08 පෙ.ව.
කණ්ඩා හාමිනේව කරකාර බැන්දෙත් ඔය උඩ තියන විදියටද. 🙂 මෙ කොමෙන්ට් එක හාමිනේ දෑක්කොත් බොට විසුමක් වෙන්නෙ නැහැ
කැමතියිLiked by 1 person
නොවැම්බර් 8, 2016 at 7:28 පෙ.ව.
කණ්ඩ සාමන්යයෙන් ඕනම දෙයක දෙපැත්තක් බලනවා, දැනමුතුකං නොගන්නවමත් නෙමෙයි … හැබැයි හිතට හරි ගියේ නැත්තන් දෙයියන්නාන්සේ කිව්වත් කරන්නේ නෑ… ආයේ ඉතින් කණ්ඩට ඕන දේ තමයි !!!
හාමිනේව නං ඉතින් උඩින්ම හිතට ඇල්ලුවා, ඒ යෝදිත් මට මනාප උන හන්ද අවුලක් උනේ නැහැ !
ඒ උනාට ගොයයියෝ මන් විතරක් නෙමෙයි උඹත් දොහක් දෙකක් යනකන් ටිකක් වහංගු වෙලා හිටපන් කෝකටත් …
කැමතියිකැමතියි
නොවැම්බර් 8, 2016 at 6:20 පෙ.ව.
අටමා තමයි මාවත් ගොඩ දැම්මේ. අටමා, මාතලං, හැලපයා, පහන්යායේ සයුරී තමයි මුලින්ම බ්ලොග් එක් අටව ගන්න උදව් කලේ.
කැමතියිLiked by 1 person
නොවැම්බර් 8, 2016 at 7:44 පෙ.ව.
අටමා හිත හොඳ ජොකියා … කාට හරි මේ වගේ දේකට දන්නා කියන තරමට උදව් කරන එක වටිනා කියා දෙයක් !
කැමතියිකැමතියි
නොවැම්බර් 8, 2016 at 6:28 පෙ.ව.
වදන්තද හෙනගහල අකුලෝලම යන්ඩ ඕන
කැමතියිLiked by 1 person
නොවැම්බර් 8, 2016 at 7:54 පෙ.ව.
අපි හැමෝම දන්නවා උඹට වදන්තද ඇලජික් කියල … ඕකට හොඳ දන්නා කියන වෙද මහත්තයෙක් ඉන්න ඕනම නං … 🙂
කැමතියිකැමතියි
නොවැම්බර් 8, 2016 at 6:54 පෙ.ව.
මමත් පෞද්ගලිකව වදන්තදේට කැමති නැහැ…
කමෙන්ට් කරන්න ගියාම ගල් යුගයට ගියා වගේ ගොබ්බ ගතියක් දැනෙනවා…
හැබැයි මම ඔපෙරා වලින් ලොග් වෙන නිසාද දන්නේ නැහැ, අමුතුවෙන් ලොග් වෙන්න ඕනේ නැහැ කමෙන්ට් දාන්න…
කැමතියිLiked by 1 person
නොවැම්බර් 8, 2016 at 7:58 පෙ.ව.
කමෙන්ට් කියන්නේ එක දෙයක් විතරයිනේ … මට නම් වදන්තද වල තියන එකම එක වරද ඔච්චර තමයි !
අනෙක් දේවල් හැම පැත්තෙන් ගත්තහම බ්ලොගර් ඇවිල්ල ගල් යුගයේ නෙමෙයි .. එයිටත් එහා තියන ජුරාසික යුගයේ .. හෙක් .. හෙක් … 🙂
කැමතියිකැමතියි
නොවැම්බර් 8, 2016 at 8:45 පෙ.ව.
අපිට අනිත් එවුන්ගේ බ්ලොග් වල තියෙන වැදගත් දේවල් දෙකනේ මචෝ…
එක ලියල තියෙන අකුරු කීපය…
ඊළඟට කමෙන්ට්…
ඊට අමතරව මම බලනවා බ්ලොග් එකට ඇහැට අමාරුද නැද්ද කියන එක…
ඒක වදන්තද සහ බ්ලොග් අනුව වෙනස් වෙන දෙයක් නෙමෙයි, දෙකේම තියෙන බලන්න අපුල පාට පාට විකාර ඒවා…
කැමතියිLiked by 1 person
නොවැම්බර් 8, 2016 at 9:03 පෙ.ව.
මෙතන ප්රශ්ණය වඩා වැදගත් අන්තර්ගතය බෙදා හදා ගැනීම සහ අදහස් හුවමාරුවද, පිට පෙනුමද වැදගත් කියන එක ? (Content Delivery & Viewer Engagement vs Appearance/Look & Feel)
*** මට කෙල වෙලා තියෙන්නේ මට ඔය කියන හැම දෙයක්ම වැදගත් නිසා … රැවුලත් ඕන කැඳත් ඕන ***
ඒ වගේම අන්තර්ගතය ගැන සහ කමෙන්ට් වැදගත් කියන දේට මම සම්පුර්ණයෙන්ම එකඟයි … මේකෙන් අදහස් හුවමාරුව පැත්තෙන් ගත්තොත් වර්ඩ්ප්රෙස් හෙන ඇණයක් … බ්ලොගර් ඉස්සරහින් !
පිට පෙනුම පිලිබඳ ගැටලුවේදී තම තමන්ගේ අදහස් සහ කැමැත්ත කෙනාගෙන් කෙනාට වෙනස් වෙනවා … ඉතින් ඒ අතින් බ්ලොගර් ගත්තත් වර්ඩ්ප්රෙස් ගත්තත් හැමෝවම සතුටු කරන්න බෑ …
නමුත් පිට පෙනුම පැත්තෙන් ගත්තොත් වර්ඩ්ප්රෙස් තමයි ඉතින් ! (මේක මගේ පුද්ගලික කැමැත්ත)
කැමතියිකැමතියි
නොවැම්බර් 8, 2016 at 9:28 පෙ.ව.
මෙතන කොමෙන්ට් දාන පින්වත් ළමයෙක් කියහන්කො හොද ඇප් එකක් සිංහල ලෙසියෙන් ලියන්න පුලුවන් අයි පොන් එකකින්…
කැමතියිLiked by 1 person
නොවැම්බර් 8, 2016 at 9:37 පෙ.ව.
මම ගූගල් ට්රාන්ස්ලේට් ඇප් එක පාවිච්චි කරනවා එකෙන් වැලිපීල්ලේ ලියනවා වගේ ඇඟිල්ලෙන් ලියන්න පුළුවන්… එහෙම නැත්නම් හෙළකුරු කී බෝඩ් එක දා ගනින් !
කැමතියිකැමතියි
නොවැම්බර් 8, 2016 at 10:20 පෙ.ව.
ගොඩ මලේ… හෙලකුරැ… දැන්වත් ඉස්පිලි පාපිලි අඩු නැතුව ලියතැහැකි…
කැමතියිLiked by 1 person
නොවැම්බර් 8, 2016 at 4:46 ප.ව.
එහෙමයි කියල මේ ලියපු එකෙත් ඉස්පිලි පාපිලි ඇලපිලි අවුල්නේ සහෝ … 🙂
වගේ හරි ගිහින් නැතුවද මන්ද ?
කැමතියිකැමතියි
නොවැම්බර් 9, 2016 at 9:08 පෙ.ව.
වාසි අවාසි දෙකේම ඇත. බ්ලොග් ලෝකයේ රජා වෙච්ච ටැබූ ලිව්වෙත් වදන් තදෙන් තමයි.
කැමතියිLiked by 1 person
නොවැම්බර් 9, 2016 at 10:01 පෙ.ව.
ඒ කතාව නං සහතික ඇත්ත 👍
කැමතියිකැමතියි
නොවැම්බර් 9, 2016 at 10:31 පෙ.ව.
ඔය අටමට බ්ලොගර් එකෙන් ගෙවනවා 😀
මම ආසම වර්ඩ්ප්රෙස්. දන්නේ ඒක විතරක් නිසා වෙන්න ඇති. කමෙන්ට්ස් ගැන නම් මොකක්ද කියන්නේ කියලා කියන්න මට තේරෙන්නේ නැහැ. මොකද මම ලියන කාලේ උත්තර දීලා පිරිමහන්න බැරි තරමට කමෙන්ට්ස් තිබුනා. ඒ වෙනුවෙන් වෙනම ප්රොෆයිල් හදාගෙන කස්ටිය ආවා.
මමත් පස්සේ බ්ලොගර් වුනා දවස් කීපයකට. මට එපාවුනා. ආපහු වර්ඩ්ප්රෙස් ගියා.
කැමතියිLiked by 1 person
නොවැම්බර් 9, 2016 at 10:59 පෙ.ව.
ඇඬේනවා … බලමු අටමා මේකට මොනවද කියන්නේ කියල … 🙂
කැමතියිකැමතියි
නොවැම්බර් 10, 2016 at 7:29 පෙ.ව.
+++
කැමතියිකැමතියි
නොවැම්බර් 10, 2016 at 7:31 පෙ.ව.
??? 😀
කැමතියිකැමතියි
දෙසැම්බර් 1, 2017 at 8:18 ප.ව.
දැං ඔය ඇඩෙනවා කියුවය කැරි අරුණයව බ්ලොගර් උඩට දැක්කුවෙත් මං , හැබැයි පරණ වදං තදය උඩ කමෙන්ට් තිබුනෙත් නැ …….. බ්ලොගර් උඩ දාපු පලවෙනි පොස්ට් එකට රීඩ්මෝ දෙසිය ගණනන් කමෙන්ට් පැනලා .. මචං උඹල ජීවිතය දිනපු මිනිස්සු උඹල ලියන දේවල් දකින්න ඕන මං වගේ කාණු පනුවෝ , , ඒක වෙන්නේ රුපියල් විස්සේ එටිසලාට් කාඩ් එකක් දාගන ඉන්ටර් නෙට් යන උන් , ඒක දකින්නේ නැ මචං . එහෙම ගත්තහම උඹල කරන්නේ කරන්නේ කැරි වැඩක්…………..
කැමතියිLiked by 1 person
දෙසැම්බර් 5, 2017 at 10:26 පෙ.ව.
මම උඹ කියන දේවල් සම්පුර්ණයෙන් නොසලකා හරිනවා නෙමෙයි, මම මේ කතාබහෙන් පස්සෙ පින්තූර සිමා සහිතව දාන්නෙ කතාවට ගැලපෙන අවශ්යයි කියල හිතෙන දේ, දැම්මත් ඒ හැම එකක්ම වගේ 30-80 kb ඒවා.
නමුත් ප්ටල්ට්ෆොර්ම් එක සම්බන්ධයෙන් අනිත් හැම දේකටම වගේ අන්තිමේදි මෙතනත් මුල් තැන ගන්තෙ මගේ පුද්ගලික කැමැත්ත.
තව දෙයක්, උඹ සාර්ථකයි කිව්වෙ අරුණ අයියට නම් කමක් නැහැ, එහෙම නැතිනම් රට රස්සාවක් කරනවා කියන එක විතරක් සාර්ථක කමේ මිම්මක් විදිහට ගන්න එපා.
ලංකාවේ ගොඩක් දේවල් මේ වගේ වැරදි මිම්මෙන් මනින නිසා තමයි අපිට දවසක කෙළේ වෙන්නෙ !
මේකත් කියවපන් : ගනු කඩුව එනු සටනට !
කැමතියිකැමතියි
ඔක්තෝබර් 9, 2018 at 6:28 පෙ.ව.
බ්ලොගය වගේම කමෙන්ට්ස් ටිකත් ඉතාම වැදගත්. ඒත් ඇත්තම කියන්න එපයි, මගේ බ්ලොගය ඔය කොයිකෙද කියලා වත් හොයාගන්න යන්නේ දැන්! නිකමට. හැමෝටම ස්තුතියි, ගොඩක් දේවල් කියා දෙනවාට.
කැමතියිLiked by 1 person
ඔක්තෝබර් 9, 2018 at 8:11 පෙ.ව.
කමෙන්ට්ස් සහ විව්ස් බලාගෙන ලියනවනම් බ්ලොගර් එකක් තමයි නිමල් හොද මොකද මං මොනව ලිව්වත් සිංහල බ්ලොග් ලියන අයගෙ ආකල්ප වෙනස් කරන්න අමාරැයි.
මට දැන් දෝශාරෝපන ඇති වෙලා නමුත් සම්පූර්ණයෙන් ඇත්තම ලියනව. කැමති කෙනෙක්ට ප්රයෝජනවත් වෙයිනෙ 😁
කැමතියිකැමතියි