ලැබුවා වූ නව වසර ලොව පුරා විසිර සිටින ලාංකිකයන් සියළු දෙනා හට සෞභාග්යයෙන් පිරුණු වාසනාවන්ත වසරක් වේවා යයි කණ්ඩා පතන්නේය !
අටෝරාසියක් වැඩ රාජකාරිත් සමගම යෙදුණු නොසිතූ සිදුවීම් වැලක් හේතුවෙන් කණ්ඩා හට තෙසතියක් පුරා කොලම ලියන්නට ඉස්පාසුවක් නොවීය.නමුත් කොලමේ රසිකයන් හට අලුත් අවුරුදු සුභ පැතුම් මග හැරීම නොවටිනා දෙයක් යයි හැඟුණු නිසා හදිසියේ හෝ යමක් ලියන්නට කණ්ඩාට සිත් විය.
කණ්ඩාගේ නිවසේ නැකත්තන් කී පමණින් කිසි දිනෙක කුකුළන් හඬලන්නටත් කලියෙන් අවදි වී ලිප් ගිනි මෙලවීම හෝ උදේ පාන්දර බැරි බැරි ගාතේ අහාර අනුභවය සිදු වන්නේ නැත.
මෙය ආටෝපය වෙනුවෙන් සම්ප්රදායික සියල්ල රටේ ලෝකයට පෙනෙන්නට බැහැර කිරීමක් නොව හුදෙක් ප්රායෝගිකත්වය මත පදනම් වුවකි, එනිසා බොහෝවිට කණ්ඩා හට ආහාර අනුභව කිරීමේ නැකත උදාවන්නේ කුසගිනි වන වේලාවටය.
මේ මොනවා නොකලත් හැකි පමණින් අලුත් අවුරුද්දට කෑම මේසයක් පිළියෙළ කිරීම කණ්ඩා හාමිනේ අතින් නොවැරදී සිදු වන චාරිත්රයකි.
මෙවරත් එහි වැඩි වෙනසක් නොවුයෙන් දෙකනින් දුම් දමන තරමට සැර ලුණු මිරිසක් සමගින් බඩ බෙර පාළුවක් තරමට ඇදෙන්නට රතු කැකුළු කිරිබත් බුදීමේ භාග්යය කණ්ඩාට උදා විය.
පසුගියදා හාමිනේගේ ඥාති සොහොයුරෙක් සිය පවුලත් සමගින් ඩුබායි සවාරියකට ගොඩ වැදුණු හෙයින් පවුලේ දෙක තුනෙන්ම ලද කැවිලි පෙවිලි වලට පින් සිදු වන්නට කෑම මේසයේ කිසි මදි පාඩුවක්ද නොවීය.
දැනට විස්තර මෙපමණය, හේතුව කණ්ඩාගේ මිතුරන් වෙනුවෙන් පවත්වන්නට යෙදෙන කුඩා සාදයක් වෙනුවෙන් හාමිනේ ලහි ලහියේ සුදානම් වීමයි.
කණ්ඩා කෙතරම් අකමැත්තක් පෙන්වූවද කණ්ඩාව “කිචන් ඩියුටි” වෙනුවෙන් බලහත්කාරයෙන් බඳවා ගන්නට හාමිනේ තීරණය කළාය, අද දින අහවර වෙනතෙක් හාමිනේ මල්ලිකා ජෝසප් බවට පත් වන අතර කණ්ඩා ඇයගේ සහායක ඩැනීය !
මෙවන් වැදගත් දිනයන්හිදී හාමිනේගේ කිචන් ඩියුටි මග හැරිම දිට්ඨ ධම්ම වේදනීයව පටිසන් දෙන අතුරු ආන්තරා ඇති කරනා බැවින් කණ්ඩා අතින් ලියවෙන අලුත් අවුරුද්දේ පළමු ලිපිය හැකිතාක් කෙටි කරමි.
ඒ මදිවාට ඉංගිරීසියෙන් යමෙකුට සැහැල්ලුවෙන් සුභ පතද්දී “බ්රේක් අ ලෙග්” (Go Break a Leg !) හෙවත් “කකුලක් කඩා ගන්න” යන සුභ පැතුමක් කණ්ඩා අසා ඇත.
පසුගිය දිනෙක නිදන කාමරයේ මග ඇහිරූ ඇඳ විට්ටමකට පින් සිදු වන්නට කණ්ඩාගේ දනහිස් පොල්කට්ට නොසෑහෙන්නට කකියනවා මෙන්ම ඇවිදින්නේද නොණ්ඩි ගසමිනි, එබැවින් මේ අලුත් අවුරුද්ද අනිවාර්යයෙන්ම සුභය 😀
චාරිත්ර වලට මුල් තැන දෙමින් අද දවස අහවර වන්නට කලින් දොස්තර මහතෙක් හමු වී ගනුදෙනු කිරීමටද බලාපොරොත්තු වෙමි, එනිසා කණ්ඩාගේ පැතුම අන් සියළු දෙනා හට කණ්ඩාට තරමටම අවුරුද්ද සුභ නොවේවා යන්නයි !
ඒ වෙනුවට ඔබ සැමට කිරියෙන් පැණියෙන් උතුරන, සියළු සිතුම් පැතුම් සර්වප්රකාරයෙන් ඉටුවන සුභ අලුත් අවුරුද්දක් වේවා යයි පතමි !!!
මීට
~ කණ්ඩා
අප්රේල් 15, 2017 at 7:21 පෙ.ව.
ඔබටත් සුබ අලුත් අවුරුද්දක් වේවා.
කැමතියිLiked by 1 person
අප්රේල් 15, 2017 at 2:51 ප.ව.
ස්තුතියි ලලිත් 😀
කැමතියිකැමතියි
අප්රේල් 15, 2017 at 1:41 ප.ව.
කණ්ඩාටයි හාමිනේටයි සුබම සුබ අළුත් අවුරුද්දක් වේවා…..
කැමතියිLiked by 1 person
අප්රේල් 15, 2017 at 2:52 ප.ව.
ස්තුතියි අසංග, සුභ නව වසරක් !
කැමතියිකැමතියි
අප්රේල් 16, 2017 at 8:34 පෙ.ව.
ඉස්සර නම් අවුරුද්ද අපිට අයිති වෙලා තිබුනා, එත් දැන්නම් ගොඩාක් දුරට වෙනස් වෙලා.
තවමත් පුරුද්දක් හැටියට නැකත් වෙලාවට හැමදේම කරනවා.
තියෙන ලීව් ටිකත් දාගෙන යන්තම් දවස් පහකට ගෙදර ගිහින් අද තමයි වැඩට ආවේ. තවම කොළඹ පාරවල් පාලුයි. තවටික දවසකින් වෙනදා වගේම වෙවී.
ලැබුවාවූ නව අව්රුද්ද ඔබටත් සුභම සුභ නව වසරක් වේවා…!!!
ලසන්ත
කැමතියිLiked by 1 person
අප්රේල් 16, 2017 at 11:18 පෙ.ව.
ඔබටත් සුභ අලුත් අවුරුද්දක් කියා පතනවා 😀
අපේ ළමා කාලයේදී විනෝද වෙන්න තිබුණු දේවල සීමිතකමත් එක්ක අවුරුදු කියන දේ බොහොම තදින් වැළඳ ගත්ත දෙයක්.
නමුත් අපි වයසින් මුහුකුරා යනකොට ඇතැම් දේ ප්රශ්න කරනවා, තවත් සමහර දේ වගකීම් සමගම එන නොයෙක් රාජකාරි සහ ප්රශ්න නිසා මග හැරෙනවා.
හැමදේම වෙනස් වෙන එක තමයි වෙනස් වෙන්නේ නැති එකම දේ !!!
කැමතියිකැමතියි
අප්රේල් 17, 2017 at 9:36 පෙ.ව.
සුභ නව වසරක් වේවා…
Break a seal !
කැමතියිLiked by 1 person
අප්රේල් 17, 2017 at 11:59 පෙ.ව.
ආයෙත් අහල ඔබටත් ජයෙන් ජයම වෙන්න ඕන !
සීල් එහෙමත් කැඩුව හීනියට, හැබැයි වැඩි ජාතියකින් හෙම නෙමෙයි 😀
කැමතියිකැමතියි
අප්රේල් 17, 2017 at 9:58 පෙ.ව.
එසේම වේවා ඈ ..
කන්ඩා ඩුබායි වැසියෙක් වගේ
එල එල
මම අල්ලපු ගමේ – අබුඩාබි ගමේ හෙ හෙ
කැමතියිLiked by 1 person
අප්රේල් 17, 2017 at 11:54 පෙ.ව.
මම ඉන්නේ සාජා, කොහොම උනත් අබුඩාබි ඉඳල පැය දෙකක දුර !
මට මේලක් කොටන්න, වැඩ විස්තර එවන්නම් 🙂
ජය වේවා !
කැමතියිකැමතියි
අප්රේල් 20, 2017 at 4:38 පෙ.ව.
කණ්ඩා බොටත් හාමිනේටත් සුභ අලුත් අවුරැද්දක් වේවා – මල් මලයා
කැමතියිLiked by 1 person
අප්රේල් 20, 2017 at 5:29 පෙ.ව.
මල් මලයා ඇතුළු පවුලේ සැමටත් ලැබුවා වූ නව අවුරුද්ද කිරියෙන් මනින් උතුරන්ට කියල පතනවා !
කැමතියිකැමතියි
අගෝස්තු 25, 2017 at 1:44 පෙ.ව.
අමමට සිරි. සුබ පැතුම මේකෙ යාවත් වෙලා නැහැ කියහන්කො.. ( සමහර උන් අමතක වෙලා පස්සෙ ලියනකොට කියන්නෙ කොම්පියුටරයෙ අවුල කියල 😜🤠) 2018 ලබන්නට තියනා අවුරැද්ද , කිරියෙන් , පැනියෙන් රට ඉදි වලින් සහ…. Etc වලින් 😁 ඉතිරේවා. කියූ එවා වැඩිපුර ලැබුනොත් මෙහෙටත් අප්ලෝඩ් කරන්න.. දැන් Gboard තියන නිසා බොට කතා යතුරැ ලියනය කරන්න ඔන නැතුව ඇති…
කැමතියිLiked by 1 person
අගෝස්තු 26, 2017 at 8:37 පෙ.ව.
අවුරුදු , වෙසක්, පොසොන්, ඇසල කමක් නෑ බං නත්තල් එන්ට කලින් බොට ආපහු මතක් උනා නෙව , ඒ හන්ද තැන්කූ හොඳේ 😂
ගූගල් දෙයියන්ට ඇපොල් දෙයියන් දිරවන්නේ නැති නිසා අයිපෝං එකෙන් තාමත් හිංහල කොටන්නේ අතින්ය 🙁
කැමතියිකැමතියි