The Big Button Theory !
කාලයකට පස්සේ ඊයේ පෙරේද දවසක රුපවාහිනියෙ බලන්න දෙයක් නැතිව චැනල් පෙරල පෙරලා ඉන්නකොට එපාම වුණු තැන දාගත්ත නිව්ස්. නිව්ස් කිව්වට නිව්ස්ම නෙමෙයි, CNN (Certainly Not New) කියල ටෙලි නාට්ටියක් වගේ දෙයක් (අපි දැන් ජාත්යන්තරේට ගිහින් ඉන්න නිසා, දොට්ට පිලට යන ගමනුත් බලන්නෙම CNN කාටද ආඩම්බර 😀 )
කොහොම උනත් පුදන කොටම කාපි යකා කියල තුන් හතර දෙනෙක් ඉන්න විද්වත් පැනල් එකක් එක්කහු වෙලා අනේ අර අහිංසක පිවිතුරු ට්රම්පයියව පතුරු අරිනව. ට්රම්පයිය පොඩ්ඩක් කරත්තයකට අහු වෙච්චි තැඹිලි කොම්බයක් වගේ හිටියට, දන්න එකම වචන සෙට් එක දහ පහළොස් පාරක් විතර රිපීට් කරන “ජීනියස්” ඩයල් එකක් උන පලියට, අල්ලන එකක් පුසගෙන්ම අල්ලගන්න ඕන කිව්වට මෙහෙම කරන එක හරිද මං අහන්නේ ?
CNN හාදයො ටික තමයි කිව්වෙ කියල උතුරු කොරියාවෙ කිම්මයියගේ බොත්තමට වඩා ට්රම්පයියගෙ බොත්තම ගොඩා …. ක් ලොකූ…යි කියල උන්දැ කියපු බව, එහෙම අනිත් හැම දේම ලොකුයි කියන්නෙ තියන වෙනත් දේවල් වල පොඩිකම් වහගන්නලු !
අනේ ඔය කිව්වට අපි නම් දන්නේ නෑ ඔව්ව … මොකෝ අපි ඔය එක එක්කෙනාගෙ බොත්තම් වල සයිස් එක මනින්න යන එකක් කියලයැ මන් අහන්නෙ ? ( බාගවිට මෙලනි අක්කගෙන් ඇහුවොත් කියාවි 🙂 )
බොත්තම් වල සයිස් එක මනින්න ඕනෑම නම් අපිටත් නැතුවයැ සේනාවක් තරම් සෙට් එකක්, My3 සොරිසේන, බොNd රනිල්, ස.තො.ස. රවී, සුනාමි මිහිඳු, චණ්ඩි බණ්ඩි … කාටද ආඩම්බර හෙහ් ?
ඒ උනාට ආයිබෝවන්ඩ එහෙමයි කියල “බොත්තම උගේ නම් ? ඒක ඔබා ගන්නෙ ඌ නම් ? අපිට මොකෝ ?”
කියල අත පිහදාල අහක බලාගෙන පුළුවන් කමකුත් නෑ … මේ බොත්තම් කෙළිය බොහොම භයානකයි, කලින් හිටපු ඔබා මාම ඕක ඔබා ගන්න දැඟලුවේ නැති උනාට ට්රම්පයියයි කිම්මයියයි දෙන්න දෙන්න ඔට්ටු සෙල්ලම් කරන ගමන් ඔබා ගත්තොත් හිරෝෂිමා, නාගසාකි කැලේ !!!
කොහොමෙන් කොහොම හරි මේ “බිග් බට්න්” (Big Button) කතාවෙන් කණ්ඩගෙ ඔලුවට ආවෙ මේ අන්දකයිප්පුවෝ දෙන්න නෙමෙයි ඊට හාත් පසින්ම වෙනස් මම බොහොම ගරු කරන හාදයෙක් ගැන අවුරුදු 10 ක් විතර පරණ කතාවක් !
කණ්ඩ ලංකාවේ ඉන්න දවස් වල රාජකාරි කළ “Q-කොම්පැණියෙ” , විවිධ රාජකාරි අත්දැකීම් සහ රස කතා උපරිමේටම ලැබුණු තැනක් විදිහට අදටත් මම සලකනවා, මේ කියන වකවානුවේ කන්තෝරුව මුලින්ම නුගේගොඩ පාගොඩ පාර පැත්තට වෙන්නත් පස්සේ කාලයක කොහුවල හන්දිය ය කිට්ටුවත් තිබිල එයින් පස්සෙ කොළඹ බාන්ස් ප්ලේස් එකටත් සංක්රමණය උනා.
බොහොම පොඩි ආයතනයක් උනත් වැඩ පොඩි නැහැ, බිස්කට් හදන මංචි කොම්පැණියෙයි ටයර් හදන DSI කොම්පැණියෙයි මෘදුකාංග නිපදවන පාට්නර් විදිහට ඒ දෙගොල්ලොන්ටම අයිතිය තිබුණු ආයතනයක්.
ඒ දවස් වල අපට සැහෙන දේවල් උගන්වපු ජෙෂ්ඨයෝ, කොම්පැණියේ මුල් කණු වගේ හිටපු අය ඉවත් වෙද්දි “ඔරකල්” (Oracle) කණ්ඩායම භාර ජෙෂ්ඨයා වෙච්චි “පුබ්බයිය” (ඇත්ත නමට ලඟින් යන එකක් දැම්ම ඕං ) ERP (Enterprise Resource Planning) කණ්ඩායමෙත් ව්යාපෘති කළමනාකාරවරයෙක් විදිහට කටයුතු කළා, අපි එතකොට වැඩිය කවුරුවත් දනිස්සෙන් පල්ලෙහාට ගණන් ගන්නේ නැති චූ කොල්ලො (සූ ගාල බෙහෙතකට වගේ එකම එක කෙල්ලෙකුත් හිටිය) 😀
ඔය “ඔරකල්” කතාව නිසා පුබ්බයියට “පුබ්ඔරා”(PubOra) කියල කාඩ් ගැහුවෙ මරදානේ ඉඳන් ගම්පහට වෙනකම් කෝච්චි පෙට්ටියෙන් පෙට්ටියට ගෑනු ළමයින්ගෙන් බේරෙන්න සඟ(සන් ග්ලාස්) මාරු කරන බෝල මාම මිසක් අපි නෙමෙයි ( දැන් අහන්නේ එපා බෝල මාම කවුද ? ඒ ඇයි කියල ? ඒ කතාව පටන් ගත්තොත් මේ කතාව ඉවර කරන්න වෙන්නෙ නැහැ මේ සම්මජාතියකට )
අපි එදා වගේම අදටත් බොහොම ගෞරවයෙන් පුබ්බයිය කියල කියනවා මිසක් ඔය වගේ කට කැඩිච්චි කතා කියන්නේ නැහැ අපේ හාමුදුරුවනේ !
පුබ්බයිය ඒ දවස් වල ඇනිල තිබුණ සමහර ප්රොජෙක්ට් ගොඩදාන්න වෙහෙසෙන ගමන් ඉටු කරන්න බැරි, තවත් වෙලාවට තකතීරු ඉල්ලීම් කරන දයාබර පාරිභෝහික ප්රජාව ගැන සෑහෙන අධ්යනයක් කරල තේරුම් ගත්තු දේවල් වලින් තියරියක් හදල තිබ්බ.
වැඩේ චෝර වෙලා මළම පැන්නහම “මුන්ට ඕන වෙන මොකවත් නෙමෙයි හැම මගුලම කරන්න පුළුවන් එක ලොකු බොත්තමක් විතරයි !” කියල දත්මිටි ගමන් අපිත් එක්ක උන්ට බනින එක සාමාන්ය දෙයක්.
අර කලින් කියපු බෝලයා ඔය ඩිංග අහං හිටියොත් හා .. හා .. පුබ්බ ඔච්චර තරහ ගන්න එපා බලපන් තරහ ගිය ගමන් මුණත් කළු වෙලා !
කියල ඇවිලෙන ගින්නට පිදුරු දානවා ( පුබ්බයිය කොහොමත් මහ කළු සිංහල පාට මනුස්සය 😀 )
ඇයි මොකද මේකත් මේ කෝච්චි පෙට්ටියෙන් පෙට්ටියට සන් ග්ලාස් මාරු කරනවා වගේ කියල හිතුවද …?
උඹත් මාව අවුස්සා ගන්න එපා අරක කියන්නද ?
ඔය කියන වැඩ කරපු අය හිටියේ පන්නිපිටිය පැත්තෙ … ඒ බෝලයාගෙ අන්ඩර් ද බෙල්ට් කවුන්ටර් අටෑක් !
උඹ මගේ කට අවුස්ස ගන්න තමයි ඔය හදන්නෙ අර *** ඩිස්ට්රිබියුටර් ගාව සිද්ද වෙච්චි වැඩේ මතකනේ !!!
පුබ්බයිය කිව්වම බෝලය තවත් අව කැපෙන කතාවක් දෙකක් ලාවට කියාගෙන තමන්ගෙ පැටිකිරිය එළියට ඇදිල වැඩේ වණ වෙන්න කලින් සද්දෙ වහල මාරු වෙනවා.
නෑ ඉතින් ඔහොම තරහ ගන්නකොට ඉක්මනට නාකි වෙනව ඒකයි කිව්වේ ! ඔච්චර තද වෙන්න ඕනයැ ඕකට ?
තොපි ගිහින් එක එකාට බෝල පාස් කරලා ඇවිල්ල තමයි මෙහෙම අනලා තියෙන්නෙ !!!
ඔහොම පටන් අරන් පුබ්බයියගෙ ගැම්ම බහින්න තව ටික වෙලාවක් යනව 😀
ඉතින් ඔය කියපු ලොකු බොත්තම් තියරිය සැකෙවින් විස්තර කරනවා නම් මෙහෙමයි :
Customer may not always be right, but always in need of a One Big Button that does it All !
ඕකම හෙළුවෙන් වනනවා නම් : පාරිභෝගිකයා හැමව්විටම නිවැරදි නොවූවත් හැම විටම පාරිභෝගිකයා පතන්නේ කෝකටත් තයිලය බඳු හැම දේම කළ හැකි එක ලොකු බොත්තමකි !
ඉතිං ඒ දවස් වල ඔය කියන ලොකු බොත්තම් තියරිය හෙවත් “Customer Expectations & Big Button Theory” ට පුබ්බයිය කොපි රයිට්ස් අරගෙන තිබ්බෙ 😀
ඒ වගේම කාලයක් යද්දී පුබ්බයිය ඕකට තව අලුත් කෑලිත් ඩිසයින් කරා තමන්ගේ පහසුවට, ඒ උපරිමයට බට්ට මාරු උන වෙලාවට දුරස්ථව ක්රියාත්මක කරන්න පුළුවන් විදිහට හදාපු පාරිභෝගිකයන් පියවි සිහියට ගන්න පුළුවන් නවීන උපාංග !
පුබ්බයියගෙ ඩිසයින් එක ගැන වඩාත් විස්තර කරනවා නම් ඒ උපකරණය පරිගනකයට සවි කරහම දුරස්ථ පාලකයක් මගින් අපිට පුළුවන් එහි තියන අකුලන්න දිග අරින්න පුළුවන් අණ්ඩක් මාර්ගයෙන් පරිගණකය පාවිච්චි කරන පාරිභෝගිකයාට කරන හැම තකතීරු වැඩක් ගානෙම හොඳ ටොක්කක් අනින්න, ස්ක්රීන් එකේ එන පණිවිඩ (Error Message) කියවන්නෙ නැතිව Ok බොත්තම ඔබන එවුන්ගෙන් කනෙන් ඇදල ආපහු මැසේජ් කියවන්න, එහෙමත් නැතිනම් බැරිම උනොත් කනේ පාරක් උනත් දෙන්න පුළුවන් විදිහෙ අරුම පුදුම යන්තරයක්.
ඩොලර් ප්රකෝටි ගණන් ලාභ ලබන ගූගල්, මයික්රොසොෆ්ට්, SAP වැනි පරිගණක ක්ෂේත්රයේ ඉදිරියෙන්ම ඉන්න ආයතන මේ ජාතියේ යන්තරයක් තවමත් හදල නැත්තෙ ඇයි කියන එක වෙලාවකට පුදුම හිතෙන දෙයක්, එහෙම එකක් තිබ්බ නම් පරිගණක ක්ෂේත්රයේ ඉන්න අපේ ජිවිතේ කොයිතරම් පහසුද ?
පහුගිය දොළොස් අවුරුද්දක් තිස්සෙ කණ්ඩගේ රස්සාව තමයි ව්යාපාරයන් සඳහා කොම්පීතර් මෘදුකාංග ස්ථාපනය සහ පුහුණුව ( ERP Software Implementation & Support ) නමුත් කවුරුවත් ඇහුවොත් නම් මම කියන්නෙ ජොබ් එක “වඳුරන්ට කුරුම්බා කඩන්න පුරුදු කරනවා !” (Teaching Monkey’s to Pluck Coconuts ! ) කියල, මොකද ඒ වැඩේ මම කරන වැඩේට වඩා බොහොම ලේසි තේරුම් ගන්න පහසු දෙයක් නිසා.
අපිට අහන්න දකින්න ලැබෙන දේ, නොදන්නාකමට හෝ තකතීරුකමට මිනිස්සු අහන වල්බූරු ප්රශ්න කොයිතරම් ලෙහෙසියෙන් විසඳන්න තිබ්බද මේ වගේ දෙයක් තිබ්බ නම්.
දැනුම බදාගන්නවට වඩා බෙදාගන්න එක වැදගත් නිසා මම කලින් වැඩ කරපු සුපිරි කොම්පැණියේ උදවියටත්, මේ කතන්දරේ කිව්වහම අපේ පාරිභෝගිකයන්ගෙ තකතීරු වැඩ වලින් හෙම්බත් වෙලා හිටපු අපේ ලොක්කත් මේක නිතර පාවිච්චි කරන්න ගත්ත.
**** in ****** Department is Demanding a Big Button ! වගේ දේවල් ඒ දවස් වල නිතර ඇහුණ 🙂
හැබැයි මේකට මගේ බොසා නම තිබ්බෙ “රංගාආආආ’ස් බිග් බට්න් තියරි” (Ranga’s Big Button Theory) කියල ! ( ඔව් අවාසනාවකට පිටරට්ටුම හිටපු සුපිරි කොම්පැණියෙදි මට අලුත් උප්පැන්නයක් දීල නම අගටම ඇදල ගෑල්ලමෙක්ගෙ නමක් වගේ තමයි උච්චාරණය කළේ 😦 )
ඒ සමහර විට Ranga’s Ex-Boss’s Big Button Theory කියන එකට වඩා පහසු නිසා වෙන්න ඇති 😀
මම සෑහෙන පාරක් ට්රයි කරත් මේක මගේ තියරිය නෙමෙයි කියල සුදුස්සාට කොපි රයිට්ස් දීල වැඩේ හරි ගස්සන්න මුන්ගේ ලේසියට “Ranga’s Big Button Theory” කියලම රෙජිස්ටර් උනා.
~ කණ්ඩා !
ජනවාරි 15, 2018 at 7:25 පෙ.ව.
“පහුගිය දොළොස් අවුරුද්දක් තිස්සෙ කණ්ඩගේ රස්සාව තමයි ව්යාපාරයන් සඳහා කොම්පීතර් මෘදුකාංග ස්ථාපනය සහ පුහුණුව ( ERP Software Implementation & Support ) නමුත් කවුරුවත් ඇහුවොත් නම් මම කියන්නෙ ජොබ් එක “වඳුරන්ට කුරුම්බා කඩන්න පුරුදු කරනවා !” (Teaching Monkey’s to Pluck Coconuts ! ) කියල, මොකද ඒ වැඩේ මම කරන වැඩේට වඩා බොහොම ලේසි තේරුම් ගන්න පහසු දෙයක් නිසා.”
මේ කතාව සියයට සියයක් නෙවෙයි දෙසීයක් හරි .
කණ්ඩා මෘදුකාංග ව්යාපාරය සම්හන්දයෙන් තෙම්පරාදු වී තියෙන හැඩයි!
කැමතියිLiked by 2 people
ජනවාරි 15, 2018 at 10:49 පෙ.ව.
හැම ජාතියකම සහ රටකම පාහේ එවුන් එක්ක වැඩ කරල හොඳටම හති වැටිලා ඉන්නෙ, දැන් ඕන “*කක්, ප්රීති වෙසක් !” කියල පාඩුවේ වැඩකරගෙන ඉන්නවා 😀
කැමතියිLiked by 1 person
ජනවාරි 15, 2018 at 8:25 පෙ.ව.
කොහෙවත් ඉන්න එකෙක් නිසා උඹේ බටොන් එකත් බිග් උනා එහෙනම්…
කවද්ද දැන් “ලොකු වීමේ” පාටිය ගන්නේ…
කැමතියිLiked by 1 person
ජනවාරි 15, 2018 at 10:45 පෙ.ව.
අපි අනුන්ගේ පානෙන් එළිය බලන්නේ නෑනෙ, නිසි තැනට නිසි ගෞරවේ දීල තමයි වැඩ.
ට්රම්පයියගේ බොත්තම තරම් සයිස් නැති උනාට මේ වගේ ලොකු බොත්තම් තමයි ගොඩක් එවුන්ට ඕනෙ 😀
කැමතියිකැමතියි
ජනවාරි 15, 2018 at 9:07 පෙ.ව.
යකෝ excel එකේ සෙල් එකක් උඩ ඩබල් ක්ලික් නොකර ටයිප් කරල කීබෝඩ් වැඩ නෑ කියල ටිකට් ඕපන් කරන උන්ගෙන් වෙන මොනා බලාපොරොත්තු වෙන්නද?
කැමතියිLiked by 1 person
ජනවාරි 15, 2018 at 10:42 පෙ.ව.
එක පාරක් මට අහු උනා Live සිස්ටම් එක කියල හිතාගෙන Test සිස්ටම් එකට මාසයක් තිස්සෙ ඩේට එන්ටර් කරපු බුවෙක්, මිනිහ දුන්නු නිදහසට කාරණා අම්මප බදාගෙන ඉඹින්න හිතුන.
කැමතියිLiked by 1 person
ජනවාරි 15, 2018 at 10:14 පෙ.ව.
හෙක්.. එහෙනං බිග් බටං තියරිය ජාත්යන්තරේට ගිහිල්ල තියෙන්නෙ ලංකාවෙන්.
කැමතියිLiked by 1 person
ජනවාරි 15, 2018 at 10:43 පෙ.ව.
කාටද දැන් ආඩම්බර ඈ ??? 😀
කැමතියිLiked by 1 person
ජනවාරි 15, 2018 at 8:25 ප.ව.
/ (Error Message) කියවන්නෙ නැතිව Ok බොත්තම / අනේද කියන්නේ, කෙල්ලෝ ඕක ඔබන්නේ සුටුස් ගල සුපිරිම වේගෙන්, අර most useless machine එක වගේ. මොකද්ද අවුල කියල දැනගන්න ස්ක්රීන් එකට බෙල්ල ඔබගෙන හිටියත් දකින පමාවෙන් මැසේජ් එක මිසිං, හෑන්ඩ් හෙල්ඩ් වගයක් ෆීල්ඩ් ටෙස්ට් කරන කාලේ කොරන්ටම දෙයක් නැතුව ප්රෝග්රමාට කියල මැසේජ් එක වෙනුවට ලොකුවට එරර් නම්බර් ඩිස්ප්ලේ වෙන්නට දාගත්ත.
කැමතියිLiked by 1 person
ජනවාරි 15, 2018 at 10:07 ප.ව.
තැන්කූ ගොඩවැදුනට ඇණයෝ … ඔව්වා නවත්තන්න හරි අමාරුයි බං, මැසේජ් කියවන්නේ නැතිව බුල් කෙළින සමහර තැන් හදන්න බැරිම තැන ඒවා ෆික්ස් කරලා ඉස්සරහට යන්න ප්රිවිලේජ් පාස්වර්ඩ් ඉල්ලන විදිහට හදන්න පවා සිද්ධ උනා.
ඒකට වඩා ගොඩක් වටිනවා අර ඔටෝ ටොකු දෙන මැසිමක් තිබ්බ නම් 😀
කැමතියිකැමතියි
ජනවාරි 17, 2018 at 8:24 පෙ.ව.
“Before mass leaders seize the power to fit reality to their lies, their propaganda is marked by its extreme contempt for facts as such, for in their opinion fact depends entirely on the power of man who can fabricate it.”
― Hannah Arendt
කැමතියිLiked by 1 person
ජනවාරි 17, 2018 at 8:30 පෙ.ව.
මෙවැනි මෝඩයින්ට කරැණු වල සත්යතාවය අදාලම නැත !
අරුමය දැලිපිහි පවා නොදෙන වඳුරන්ට බිග් බටන් දීමය 😁
කැමතියිකැමතියි
ජනවාරි 18, 2018 at 10:36 ප.ව.
බාන්ස් ප්ලේස් එකේ ඉන්න කාලේ නේද sri lankan airlines ප්රොජෙක්ට් එක කලේ..
කොච්චියා ඔය කාලේ බැහැලාම තමුන්ගේ ආයතනය ගොඩ දාන්න මහන්සි වෙනවා..
කැමතියිLiked by 1 person
ජනවාරි 19, 2018 at 8:05 ප.ව.
නෑ බං ඒ දවස් වල තමයි DSI & සේල්ස් රෙප්ලට පාවිච්චි කරන්න PDA Apps හදන්න හෙන ගේමක් දුන්නෙ, Sri Lankan Airline එක පස්සෙ ආපු එකක් වෙන්න ඕන.
කැමතියිකැමතියි