වර්ඩ්ප්‍රෙස් බ්ලොග් අඩවියක් හදමු ~ V කොටස

වර්ඩ්ප්‍රෙස් Site Settings වෙනස් කිරීම

පාඩම් මාලාවේ පස් වැනි වැන්න ලෙස වර්ඩ්ප්‍රෙස් Site Settings හෙවත් අඩවි සැකසුම් වෙනස් කරනා අකාරය සහ එම සැකසුම් මගින් ඇති වන වෙනස්කම් ගැන කතා බහ කරන්න තමයි කණ්ඩගෙ අද ලෑස්තිය. මෙය බ්ලොග් ලිපි ලිවීම ගැන ඉගෙන ගන්නට කලින් බ්ලොග් අඩවි සැකැස්ම පිළිබඳ ඔබ දත යුතු අතවශ්‍ය දෑ ගෙන එන අවසාන ලිපියයි.

මේ යටතේ ලිපි ලිවීම සහ වර්ගීකරණය, අදහස් දැක්වීම සහ ලිපි ප්‍රදර්ශනය කිරීම යන සැකසුම් පිළිබඳ විස්තර කරනු ඇත. පෙර ලිපි වලදී සේම මෙම වෙනස්කම් සිදු කිරීමට ප්‍රථම ඔබගේ ජී-මේල් ගිණුම භාවිත කර වර්ඩ්ප්‍රෙස් බ්ලොග් අඩවියට ලොග් විය යුතුය.

Advertisements

වර්ඩ්ප්‍රෙස් බ්ලොග් අඩවියක් හදමු ~ IV කොටස

සයිඩ් බාර් (Sidebar) සහ විජට් (Widget)

කණ්ඩාචාර්යතුමාගේ අද බ්ලොග් පාඩම වෙන් වෙන්නෙ බ්ලොග් අඩවියක පැති තීරුව නැතිනම් සයිඩ් බාර් (Sidebar) එක සකස් කර ගැනීම සඳහා. කණ්ඩා මෙම ලිපියට තෝරා ගත් ආකෘතිය මත මෙය වෙබ් පිටුවේ දකුණු පසින් දිස් උවත්, ඔබ තෝරා ගත් ආකෘතිය (Theme) අනුව මෙය වම් හෝ දකුණු පසින් තිබිය හැකියි. නමුත් එය අප ඉගෙනීමට යන දේ සඳහා බාධාවක් නෙමෙයි. සයිඩ් බාර් එක අපට අවශ්‍ය පරිදි සකස් කර ගැනීමට අප විජට් (Widget) නම් කුඩා මෘදුකාංග කොටස් භාවිත කරනවා.

ඉහළින් දැක්වෙන්නේ කණ්ඩාගේ බ්ලොග් අඩවියේ සයිඩ් බාර් එක සහ එතුළ විජට් භාවිතා කර ඇති ආකාරයයි. එමගින් ඔබට මෙතෙක් විස්තර කළ දේ වඩාත් පැහැදිලි වනු ඇතැයි සිතනවා.

වර්ඩ්ප්‍රෙස් බ්ලොග් අඩවියක් හදමු ~ III කොටස

බ්ලොග් අඩවියක ආකෘතිය (Theme)

කලින් ලිපියෙන් වර්ඩ්ප්‍රෙස් ගිණුමක් (WordPress Account) සහ බ්ලොග් අඩවියට ලිපිනයක් (Blog Address) වෙන් කර ගන්න හැටි කියල දීපු නිසා කණ්ඩගේ මේ ලිපිය බ්ලොත් අඩවියට ගැලපෙන ආකෘතියක් තෝරා ගැනීම ගැන. ඔක්කොම එකපාර කලබලයට ලියන්න අමාරු නිසා හෙමිහිට දන්නා හැම දේම කියල දෙන්නම් 🙂

වර්ඩ්ප්‍රෙස් වල මෙම ආකෘති වලට ලබා දෙන නම තමයි “තීම්” (Theme) ( බ්ලොගර් – Blogger වල ටෙම්ප්ලේට් – Template කියන්නෙත් මේකටම තමයි).

සෑම බ්ලොග් අඩවියකටම ආකෘතියක් තියනව, ඒ බොහොමයක පහත දැක්වෙන ප්‍රධාන කොටස් ඇතුළත් වෙනව, නමුත් විවිධ කොටස් ස්ථානගත කිරීම ආකෘතියෙන් ආකෘතියට වෙනස් වෙන්න පුළුවන්.

• Header / හෙඩර් / සිරස – බ්ලොග් අඩවියේ නම සහ මෙනූ අංගයන් මෙහි ඇතුලත් වේ
• Main Content / මේන් කන්ටෙන්ට් / බඳ කොටස – ලිපි හෝ ලිපි එකතුවන් ඇතුළත් ප්‍රධාන බඳ කොටස
• Side Bar / සයිඩ් බාර් / පැති තීරුව – සමාජ ජාල සබැඳි (Social Media Links), පාඨකයන් (Followers), පැරණි ලිපි එකතු (Archives), යතුරුපද සහ වර්ගීකරණයන් (Keywords and Categories), සෙවීමේ පහසුකම් (Search Facilities) මෙහි ඇතුලත් කල හැක
• Footer / ෆුටර් / පාදම – තමන් පිලිබඳව හෝ බ්ලොග් අඩවිය ගැන විස්තර (About) සහ අදහස් හුවමාරු කරගැනීමට අවැසි සබැඳි (Contact) මෙහි ඇතුළත් කළ හැක

වර්ඩ්ප්‍රෙස් බ්ලොග් අඩවියක් හදමු ~ II කොටස

වර්ඩ්ප්‍රෙස් ගිණුම් සහ බ්ලොග් අඩවි ලිපින

අද ලිපියෙන් කණ්ඩා විස්තර කරන්නට බලාපොරොත්තු වන්නේ නොමිලයේ සපයන වර්ඩ්ප්‍රෙස් බ්ලොග් අඩවියක් සෑදීමේ මුල් පියවර වන වර්ඩ්ප්‍රෙස් ගිණුමක් විවෘත කර බ්ලොග් අඩවිය වෙනුවෙන් වෙබ් ලිපිනයක් (Web Address) වෙන් කරගන්නා හැටියි.

සාදන්නට බලාපොරොත්තු වන බ්ලොග් අඩවියට “මගේ පන්තිය” (Mage Panthiya) යන නම ලබා දෙන්නෙ අන්තර්ජාලේ තිබ්බත් මේකත් එක්තරා ආකාරයක පන්තියක් නිසා 🙂

මෙහිදී නොමිලයේ සැපයෙන සේවාවක් යොදා ගන්නා නිසා අපට ලැබෙන වෙබ් ලිපිනය වර්ඩ්ප්‍රෙස් වෙබ් අඩවියේ අනු අඩවියක් ලෙස තමයි ලැබෙන්නෙ, ඒ වගේම ඇතැම් වෙලාවට  බලාපොරොත්තු වන ලිපිනය නොලැබෙන්නත් ඉඩ තියනවා, ඒ ගැන වැඩි විස්තර පස්සට.

උදා :  MagePanthiya.com වෙනුවට MagePanthiya.WordPress.com ලෙස තමයි ලිපිනය සැකසෙන්නෙ

මෙම ලිපි මාලාව අවසානයේ එම නමට ගැලපෙන ලිපි පල කරන්නට, බ්ලොග් අඩවිය පවත්වාගෙන යාමට කැමති අයෙක් වෙත ලබා දීමට කැමතියි. ඒ කණ්ඩාගේ මහන්සිය සහ කාලය අපතේ ගියේ නැහැ කියල හිත හදා ගන්න. ( අයිසෙ … කාලය කියන්නේ සල්ලි … ! ඒ කෑල්ල තිබ්බේ පරණ ඇඩ් එකකද කොහෙද ?

එහෙනම් ඔක්කොම හරිනෙ ?  ඤාව්වා … පුරුපුරු වැඩේ  පටා …….. න් ගමු ! (ඒ කෑල්ල නම් ෂුවර් එකටම ටයි මාමගෙන්)

බ්ලොගර් වෙබ් අඩවියක් සාදා ගනිමු

මෙහි දක්වා තියන කිසිම ලිපියක අයිතිය කණ්ඩගේ නෙමෙයි, ඒ ගෞරවය සජිත් දිල්හාන්, මාතලන් ලොක්ක සහ අටමට යන්න ඕන. මේක වෙනම ලිපියකට දැම්මේ වර්ඩ්ප්‍රෙස් වෙබ් අඩවියක් හදන හැටි විස්තර දාපු ගමන කට්ටිය බ්ලොගර් එක ගැනත් අහන්න ගන්න නිසා. මෙහෙම දැම්මහම වැඩේ සමබරයි කැමති එකෙක්ට කැමති මංගල්ලයක් තෝරා ගන්න පුළුවන්. ( ** අනිත් හේතුව මට දැන් අටමගෙන් කනක් ඇහිලා ඉන්න පුළුවන් ** )

හැබැයි ඔය බ්ලොගර් ගැන තියන ගැටළු කණ්ඩා බ්ලොගර් ජොකියෙක් නොවෙන නිසා කියල දෙන්න විදිහක් නැහැ. බ්ලොගර් පිළිබඳ වැඩි විස්තර සහ උපදෙස් අදාළ උදවියගෙන් ගන්න එක සුදුසුයි 🙂

ඒ වගේම මෙතරම් සවිස්තරාත්මකව සිංහලෙන් ලියවුණු ලිපි ටික කියවල අහවර වෙලත් බ්ලොග් එකක් හදාගන්න බැරි නම් ඉතින් බණක් භාවනාවක් කර ගන්න එක තමයි වඩාත් හොඳ 😀

පොඩි විහිළුවක් කරේ … ට්‍රයි ඇන්ඩ් ට්‍රයි … වන් ඩේ “යූ” විල් ෆ්ලයි කියල තමයි සුද්ද කියල තියෙන්නෙ, ඔබගේ නමත් “යූ”නම් වැඩේ හරි යන්න ඉඩ  තියනවා 🙂

වර්ඩ්ප්‍රෙස් බ්ලොග් අඩවියක් හදමු ~ I කොටස

පනින්න පෙර සිතා බලනු !

ලාංකිකයන් බොහෝ දෙනෙකුට “බ්ලොග්” (Blog) එකක් යනු කුමක්ද යන්න ගැන වැඩි වැටහීමක් නොමැති බව කණ්ඩා අත්දැකීමෙන් ලද මතයයි. එනිසා කොයිකටත් “කවුද බොලේ ඇලිස් ?” කියා අසන්නට කලියෙන් “බ්ලොග්” කියන්නෙ මොනවද ? “වර්ඩ්ප්‍රෙස් ” (WordPress) කියන්නෙ මොනවද ? කියල පැහැදිලි කරොත් බින්දුවේ ඉඳන්ම පටන් ගන්න උදවියට වඩාත් ප්‍රයෝජනවත් වෙයි කියල හිතනවා.

නමුත් මේක ගහ දන්නා අයට කොළ කඩා පෑමක් වගේ දැනෙනව නම් මේ ටික මග ඇරල කෙළින්ම “වදන්තද” හෙවත් වර්ඩ්ප්‍රෙස් බ්ලොග් අඩවියක් හදමු ~ II කොටසට යන්න 🙂 .

හිරු නොබසිනා දූපතේ සවාරිය ~ VII කොටස

මැන්චෙස්ටර් : 2017 මැයි 22 ~ 22:31 BST

ගී අමා රස විඳීමෙන් පසු නැවතත් යුස්ටන් දුම්රියපොළ වෙත අප ඇරලවීමට උස එකී සහ අගේ සැමියා උත්සාහ ගත්තත් රැජිණ ආත්තම්මාගේ ප්‍රවාහන සේවය ගැන විශ්වාසය තැබූ නිසා කිට්ටුව පාත වූ අන්ඩග්‍රවුන්ඩ් නැවතුම් පොළ හරහා නැවතත් යුස්ටන් වෙත් ගියෙමු.

කිහිප වතාවක් ගොස් ඇති හේතුවෙන් වූ විශ්වාසය මත යුස්ටන් වෙත ගියත්, හාමිනේ හදිසියේ ඇසූ පැණයක් නිසා කණ්ඩා හිට් විකට් විය. හාමිනේ විමසුවේ ලිච්ෆීල්ඩ්හි අප නැවතී සිටි හෝටලයට කිට්ටුවෙන්ම පිහිටි දුම්රියපොළ වූ “ලිච්ෆීල්ඩ් ට්‍රෙන්ට් වැලි” (Lichfield Trent Valley) වෙත අප ළඟා වන වේලාවට කුලී රථ සොයා ගැනීමට තිබෙනු ඇද්ද යන්නයි.

මා දුටු ඇෆ්ගනිස්ථානය ~ XI කොටස

කාබුල් නගරසිරි, පටාන් රොටි සහ කාමර මාරුව

දැක්කත් පිටගැස්ම හැදෙනා සුපුරුදු වෑන් රථයට ගොඩවුණු අප අතිශය සුඛෝපභෝගී පහසුකම් යටතේ සුපිරි කඳවුර වෙත එන්නට වූ ගමන අතරතුරදී සැලකිය යුතු කරදරයකට මුහුණ පාන්නට වූයේ නැත. එනිසා පරිසරය වඩාත් හොඳින් නිරීක්ෂණය කිරීමට නිදහස කණ්ඩා වෙත ලැබුණි.

ඇෆ්ගනිස්තානයේ අගනුවර කාබුල් නගරය බව කීම ගහ දන්නා අයට කොළ කඩා පෑමක් විය හැකි උවත් ඒ ගැන නොදන්නා උදවියගේ දැනගැනීම උදෙසා ඒ ගැන යම් විස්තරයක් සටහන් කිරීම වැදගත් යයි සිතමි. හින්දුකුෂ් කඳු වැටියේ පටු නිම්නයක පිහිටා ඇති කාබුල් මිලියන 4.6 ක් පමණ වන ඇෆ්ගනිස්තාන වැසියන් වෙසෙන ජනගහනය වැඩිම සහ විශාලම නගරයයි.

කුරුටු ගෑමේ දුෂ්කරක්‍රියා

නිකන් ඉන්න බැරි කැසිල්ලට කණ්ඩා මැස්සො ඇහිරෙන බ්ලොග් කටුවක් අටවගෙන කුරුටු ගාන්න අරගෙන ටික දොහක් වෙන්න එනව කියල මංතුමා ලියන හෑලි  කියවන උදවිය දන්නව නෙව. මේ ඔය ඩිංග නොදන්නෙ අයට දැනගන්නත් එක්ක මුදල් නොගෙවා ප්‍රචාරය කරපු වෙළඳ දැන්වීමක් හෙම නෙමෙයි තවත් කතාවකට ප්‍රවිෂ්ඨයක් විතරයි 😀

ලොකු පම්පෝරි ගැහුවට දැන් බ්ලොග්කරුමාන්තෙ බහින කලාව උදා වෙලා ටික කලක් වෙන්න එනව, බ්ලොග්කාරයොත් වඳ වී යන සත්ව කොට්ඨාශයක් (අපි තොප්පි මැහුවොත් බබ්බු ඔලු නැතිව උපදිනවා කියන්නෙ ඕකට තමයි). එව්වට තිබුණු තැන පසුව ආපු මුහුණුපොත, ට්විටර්, ඉන්ස්ටග්‍රම් වගේ වඩා ප්‍රචලිත මාධ්‍ය වලින් අරගෙන. නමුත් ස්මාර්ට් ෆෝන් එක අතේ තියාගෙන තාත්තගෙ ගඩොල් බාගේ මතක් කරනවා වගේ තවමත් බ්ලොග් වලට කැමත්තක් තියනව.