සෙවීම

කණ්ඩාගේ කොලම ~ Kanda's Column

මග තොට, වග තුග – Travel & Lifestyle

කර්තෘ

කණ්ඩා ~ Kanda

ඉබාගාතේ සරන ජීවිත අත්දැකීම් හා මතකයන් සියල්ල එක්තැන් කිරීමටයි මේ වෑයම...

Teachers, Cheaters and Corona

As with most of you, in my school days I was taught by many teachers. Out of them, for many I’m grateful and for others I’m not. They were a mixed bag of Good, Bad and the Fugly. I fondly remember Few Outstanding ones who inspired us to learn beyond books, even then they were a dying breed. No, I’m not talking about the kind of misleading YouTube Monkeys you find nowadays. 🐒 Best of the rest covered the syllabus and did their very best to educate us. Remainder had no business being in the business of education. For students, those morons were the stuff nightmares were made of. They should have been locked up in loony bins and keys thrown away.

Continue reading “Teachers, Cheaters and Corona”

II කොටස ~ භූතරණ උමතුව

පාරෙන් පිට පැනීම සහ අවලම්බන

දැන් ඉතින් මේ මොන අවලම්බනයක්ද කියල අහන්න එපා, අද ලියන්න බලාපොරොත්තු වෙන්නෙ රෝද සහ සස්පෙන්ෂන් සම්බන්ධයෙන් අපේ ගමන් සගය වෙන FJ කෘසරේට කරපු වෙනස්කම් වෙනස්කම් කිව්වෙ වැඩි දියුණු කිරීම් මිස කෙනෙහිලි නෙමෙයි හොඳේ ) සහ අදාල නිධාන කතාව. කවදාවත් ලොකුවට හිතුවෙ නැති උනාට සස්පෙන්ෂන් කියන සුද්දගෙ පදේ හෙළුවෙන් වනන්නෙ කොහොමද කියල හෙමිහිට අන්තර් ජංජාලය පීරල බලනකොට තමයි ඔය අවලම්බන පද්ධතිය කියන හරුපෙ හමු උනේ. රෝද හතර වාහනේට එල්ලල තියෙන අංගෝපාංග වලට කියන්න වෙන නමකුත් නැති හන්ද නමේ ලොකු අවුලක් නෑ. ඒත් ඩිංගක් විතර හෙළ අවුල් සහ සර්වලෝක පූට්ටු (Universal Joint) ගතියක් එන්න ඉඩ තියෙන නිසාත් මම ආර්යසේන ආශුබෝධ නොවෙන නිසාත් සස්පෙන්ෂන් කියල දන්නා සිංහලෙන්ම කියන්නම්.

වාහනයක් උනහම ගැස්සෙන්නෙ පෙරලෙන්නෙ නැතිව යන ගමනක් පහසුවෙන් යන්න පුළුවන් වෙන එක තමයි සැප පහසුව තීරණය කරන ලොකුම කාරණාව. ඒකට වග කියන්න ඕන ඉතිං වාහනේ රෝද සහ සස්පෙන්ෂන් පද්ධතිය නිසා හැමදාම පාරෙන් පිට පනින්න බලන් ඉන්න අපිට FJ යන්තරේ ගැන අමුතුවෙන්ම හිතන්න උනා. මේකට ප්‍රධාන හේතුව කණ්ඩා විප්‍රවාසීව ඉන්න ඔටු දේසෙ ටොයොට ඒජන්ත තැන වෙන “අල පුටයිං” කොම්පැණිය වාහනේට කරපු හදි හූනියමක්. වාහනේ ගෙදර ගෙනත් යකා වගේ පාක් කරල තිබ්බට මොකද බරපතල වැඩ ගන්න තහනම්.

Continue reading “II කොටස ~ භූතරණ උමතුව”

හායි කොරෝනා … බායි කොරෝනා !

රට බේරාගත් දේශ හිතේෂි, දේශ මාමක සුදු සූට්ධාරී රට රකින විරුවන් සහ උන්ට කඩේ යන රට වැසියන් නිදහ ස’ සමරද්දී කණ්ඩා දෙමහල්ලන් වෙනස්ම ආකාරයක නිදහසක් සමරන බව කියන්නේ හද පිරි සතුටිනි. ඒ දෙසතියකට කලින් (ජනවාරි 14) සිදු කළ PCR පරික්ෂාව පොසිටිව් උන දා සිට අල්ලපු චීන කොරෝනා ජල්ලි ඇල්ලීම පෙරදා ලැබුණු නෙගටිව් PCR ප්‍රතිපලයත් සමග නිල වශයෙන් අවසන් වූ නිසාය. මේ අබග්ගයන් අතරතුර සිදු වූ සියල්ල මගේ සහෝදරයාත් හාමිනේගේ අක්කාත් මිතුරන් කිහිප දෙනෙක්ද හැරුණුකොට ගෙවල් දොරවල් වලින් වසන් කර තබා ගැනීම අප කළ නුවණැතිම දේය, නැතිනම් මේ සියල්ල නිම වන තුරු ඒ සියලු දෙනාත් හිතේ ගින්දරින්ය.

කොරෝනා වැළදෙන්න කෙල කෝටියක් විධි තිබුණත් කණ්ඩා කොරෝනා ගෙදර ගෙනාවේ කන්තෝරුවෙන්ය. රෝගය පැතිරෙන්න පටන් ගත්තේ කණ්ඩාත් සමග අල්ලපු මේසයේ රාජකාරි කරන සගයාගෙන්ය. පිළිකාවක් සමග කළ යුද්ධයකින් ජයගෙන නැවත සුව අතට හැරෙමින් සිටිනා ඔහු කොරෝනා සම්බන්ධයෙන් කන්තෝරුවේ අන් සියලු දෙනා අභිබවා ප්‍රවේශම් වුයේ ඔහුගේ ප්‍රතිශක්තිය අඩු බව දන්නා නිසාය. නමුත් ඒ අහිංසකයා ගත් සියළු ආරක්ෂිත පියවර වලට කොකා පෙන්වූ කොරෝනා කන්තෝරුවේ සහ ඔවුන්ගේ පවුල් වල අය දුසිමකට එහා පිරිසක් තම ග්‍රහණයට ගන්නට සමත් විය. Continue reading “හායි කොරෝනා … බායි කොරෝනා !”

Journey to Outdoor Lovers Tree House – Dubai, UAE

Virgin Drive in Dubai Dunes

Sand Dunes, FJ, and us have never been good partners. Being rank off-road amateurs we had good reasons and our share of narrow escapes. But like everything in life, things can change and we are glad that they have after meeting the Outdoor Lovers Team. A bit of tire deflation and some sound advice can go a long way.

Our trip to Outdoor Lovers Tree house allayed many dune bashing fears we had as we learned the tips and tricks from the best. Eranga and Jo lead the pack with “Casper” the Friendly Land Cruiser 80 while Bazil & Fazly took rear guard with “Teriyaki” The Power Patrol. The track got trickier but we grew more confident. Continue reading “Journey to Outdoor Lovers Tree House – Dubai, UAE”

ඇවිදින එක පිස්සුවක් !

I කොටස ~ භූතරණ උමතුව

හඳ මෝරන කාලයට පිස්සන්ගේ උමතුව තීව්‍ර වෙන්නා සේම කණ්ඩාටද කාලයෙන් කාලයට නොයෙක් ආකාරයේ උමතු වැළඳීම අතිශයින්ම සාමාන්‍ය දෙයක්. හාමිනේට අනුව නම් ඔය කොයි පිස්සුවත් පවතින්නේ ඉතාම කෙටි කාලයක් විතරයි, ඒ බැන්ද දා සිට කල නිරික්ෂනයන්. එව්වා එහෙමයි, මං ගැන හොඳින්ම දන්නේ උන්දෑ තමා. නමුත් එකී මෙකී නොකී අට අසූවක් පිස්සු අතරින් රථ ගාය, කෑමට බීමට ලොල්වීම සහ සවාරි පිස්සුව  වැනි කිසිදා සුව නොවන සදාකාලික උමතුද කණ්ඩාට නැතිවාම නොවේ. Continue reading “ඇවිදින එක පිස්සුවක් !”

බොසාගේ කතා ~ I කොටස

Boss

අප්පමාදෝ අමතපදං සහ මධු රසාංග

කණ්ඩ එකෝමත් එක කාලෙකට කලින් රාජකාරි කරපු සුපිරි කොම්පැනිය ගැන කතා ඔහේලට විටින් විට කියල තියනවනෙ. ඕකෙදි හම්බ උනා ලෝකෙ පුරා රටවල් ගානකින් ආපු නානාප්‍රාකාර මිනිස්සු … එතැන හරියට නිකං එක්සත් ජාතීන්ගේ සංවිධානය වගේ තමයි … සමහරක් උන් පට්ටම හොඳයි තවත් සමහරක් එවුන් අං ගිලපු කටුස්සො … අද කියන්න යන්නෙ දෑවුරුද්දකට වැඩි කාලයක් මගේ බොසා උන අල්ලපු රටේ හාදයෙක් ගැන. Continue reading “බොසාගේ කතා ~ I කොටස”

පරිප්පුවන්ගේ කතා ~ V කොටස

Late to School

පමා නොවී එමි අකුරට මෙයින් මතු …

මේ දවස් වල අපේ කන්තෝරුවෙ ෆේස්බුක් සහ බ්ලොගර් දෙකම බ්ලොක් කරල, හෙඩ් ඔෆිස් ඉන්න IT අගමැතිලගෙ මෑණියන්දැල සෙට් එකටම නොනවත්වා හච්චින් යනව ඇති ෂුවර් එකටම. මේ දවස් වල වැඩත් අඩු එකේ දවස ගෙවා ගන්න බැරිව හතේ හත වැදිල ලියන්න දෙයක් ගැන හිතමින් ඉන්න අතර ආයෙත් ඉස්කෝලෙ කාලෙ මතක් උනා. කණ්ඩගෙ ඉස්කෝලෙ කාලෙ ඔය හැමෝම කියන තරම් සුන්දර නැතත් ලියන්න කතා වලින් නම් දෙයියන්ගෙ පිහිටෙන් කිසි අඩුවක් නැහැ. Continue reading “පරිප්පුවන්ගේ කතා ~ V කොටස”

උයන්පුර සංචාර ~ III කොටස

Camel Race with Jockey

බෙදූ, ඔටුවෝ සහ ඔටුපොළවල්

පහුගිය සතියෙ නැවැත්තුවෙ අල් කට්ටාරා සහ අල් ජිමී ක්ෂේම භුමි වලට ගොඩ වැදුන ගමන සහ ඒ අවට තියෙන වැදගත් තැන් ගැනනෙ. අද කතාව පටන් ගන්න හදන්නෙ ඔටුවන්ගෙන්, ඔටුවන්ගෙ රටේ සවාරි ගහනකොට ඔටුවො ගැන කතා නොකර කොහොමද ? නෑ … නෑ … මේ කියන්නෙ කකුල් දෙකේ එවුන් ගැන නෙමෙයි හතරෙ එවුන් ගැන. කකුල් දෙකේ එවුන් ගැනත් කියවන්න ඕන නම් මැදක් නැති පෙර දිග සහ ගං ඔටුවා සහ රජ ඔටුවා ලිපි බලන්න.

අද කතාවට වස්තු බීජය වෙන්නෙ ක්ෂේම භුමියෙන් පිටත් උනාට පස්සෙ අපේ මීළඟ නැවතුම උන ඔටුවො වෙළඳාම් කරන කඩ මණ්ඩියක් (Camel Souq/Market). මුලදි කතන්දරේට ප්‍රවේශයක් විදිහට බොහොම කෙටියෙන් ලියල අහවර කරන්න හිතුවත් පස්සෙ තේරුම් ගත්ත ඒක ඔටුවන්ට කරන අසාධාරණයක් කියල. ඒ හන්ද ඔටුවො ගැන සත්ව කරුණාවෙන් යුතුව ටිකක් දිග විස්තරයක් ලිව්වට අන්තිමට නොදැනිම ඒක පතරංගයක් වෙලා. දිග නිසා කියවන්න කම්මැලි ඇති ඒත් ආපු එකේ ඔන්න ඔහේ කියවලම යන්න. Continue reading “උයන්පුර සංචාර ~ III කොටස”

උයන්පුර සංචාර ~ II කොටස

Al Qattara Oasis

අල් කට්ටාරා ක්ෂේම භූමිය

මේ ගමනේ පළවෙනි දවසෙ සැලසුම අලේන් නගරය කිට්ටුව තියන අල් කට්ටාරා (Al Qattara) සහ අල් ජිමී (Al Jimi) ක්ෂේම භුමි වල රවුම් ගහල අහවර වෙලා ඔටුවො විකුණන කඩ මණ්ඩියකටත් ගොඩ වැදිල (ඔව් .. ඔව් .. නෑදෑයො බලන්න තමයි) ජෙබෙල් හෆීත් (Jebel Hafeet) කියන එහෙමත් නැතිනම් හෆීත් කන්ද උඩත් රවුමක් ගහන්න (අරාබි බසින් ජෙබෙල්  කියන්නේ කන්ද). එදා නවතින්න තීරණය කරේ හෆීත් කන්දෙම මැදක් දුරට වෙන්න තියෙන බොහොම නිස්කලංක හෝටලේක (Mercure Grand). මේ ගැන වෙනම දවසක විස්තර අරගෙන එන්නම්. Continue reading “උයන්පුර සංචාර ~ II කොටස”

WordPress.comහි බ්ලොග් සටහනක්.

ඉහළ ↑

%d bloggers like this: