සෙවීම

කණ්ඩාගේ කොලම ~ Kanda's Column

මග තොට, වග තුග – Travel & Lifestyle

වර්ගය

රට තොට විත්ති

රට තොට විත්ති / News

උයන්පුර සංචාර ~ I කොටස

Al Ain Oasis

අලේන් උයන්පුර සිරි

කණ්ඩ දෙමහල්ලො සංචාරයට බොහොම මනාපයි කියන එක තව දුරටත් රහසක් නෙමෙයිනෙ, දෙන්නම කොයි වෙලාවෙත් කකුලක් එළියෙ තියා ගත්ත ගමන්. නමුත් අපේ හතරයි හතරේ ගමන් සගය වෙන ජීප් යන්තරේ පවුලට එකතු උන දා පටන් කණ්ඩයි හාමිනෙයි කලින් යන්න නොහිතපු තැන් වලත් හක්කලන් කරනව. අපි දෙන්නට අපි දෙන්න විතරමයි, ළමා ළපටිත් නැති ජිවිතේ බැඳීම් වලින් තොරව කොහේ හරි යන්න හිතුනද එක්කෙනෙක් අනිකගෙන් අහන පරක්කුව විතරයි … ගමනේ යා … ! Continue reading “උයන්පුර සංචාර ~ I කොටස”

හම්බ කතා

Muslim Mudalali

ඔව් හම්බ කතාවක් කියන්න තමයි ලෑස්තිය … ඇයි මාතෘකාව දැක්ක ගමන් කලබල උනා නේද ? කවුරුවත් කෝප වෙන්න කාරි නෑ .. මේ කියන්න යන්නෙ ජාතිවාදී හෝ ආගම්වාදී ගිනි අවුලවන කතාවක් නෙමෙයි ඉතිහාස කතාවක්. අපේ ඉතිහාසය අර ගත්තහම මුස්ලිම් ජාතිකයන්ව හඳුන්වන්න එදිනෙදා භාවිත උන “හම්බයා”, “නානා”, “මට්ටයා”, “මකක්කල” සහ “තම්බි” යන යෙදුම් හැමවිටම නින්දා සහගතව පාවිච්චි උන දේ නෙමෙයි. නමුත් ඒ යෙදුම් වලට හේතුව එහෙමත් නැතිනම් පටන් ගැන්ම මොකද්ද කියා ඔහෙලා කවුරුවත් වැරදිලා හෝ හොයල බැලුවද ? Continue reading “හම්බ කතා”

කෝපි (කාලේ) කතා ~ II

Coffee Beans

කණ්ඩාගේ කෝපි කතා

කෝපි (කාලේ) කතා ~ I ~ නාරායන් සමග හැලපයියගෙ කෝපි කතා සහ කෝපි ඉතිහාසය

කෝපි ගැන කතා කරද්දි කණ්ඩා කෝපි වලට වැඩි කැමැත්තක් නැති බව කිව්වත් කෝපි ගැන මතකයන් සහ ඒ නිසා වෙච්චි ඇබැද්දි සහ කතා වල අඩුවක් නැහැ. අද ලියන්න යන්නෙත් ඒව. නමුත් නිදි මරාගෙන පාඩම් කරනකොට බීපු කෝපි කතා, මළ ගෙවල් වල කෝපි කතා සහ ඒ හා බැඳුන ප්‍රේම කතා, ඒ ප්‍රේම කතා නිසා ගුටි කාපු කතා … ඒව නිසා ලැබුන තෙල් බේත් කතා වගේ අටෝරාසියක් බොහොම සුලභ කතා හැමෝම විඳලා, අහල, බලල, කරල ඇතිනෙ. ඉතින් එයිට ටිකක් වෙනස් කතා කිහිපයක් කියන්න තමයි අද ලෑස්තිය.

මින් පැරණිම දේ දැනට අවුරුදු 30 කට එහා පොඩිකාලේ අහල දැකල මතක තියෙන විදිහට ලියන නිසා අඩු පාඩු තියෙන්න පුළුවන්, ඒ අඩුපාඩු පෙන්නල දෙන එක කියවන ඔහේලට බාරයි. (කොහොමද උදේ  පාන්දරම දැම්ම ඩිස්ක්ලේමර් එක 🙂 ) Continue reading “කෝපි (කාලේ) කතා ~ II”

සෝමාලි කතා ~ VIII කොටස

large cluster of Desert Rose crystals_

හැබෑම වාලුකා කුසුම් සහ මිත්‍යා

පහුගිය ලිපියෙ වාලුකාවේ කුසුම හෙවත් වරිස්ගෙ කතාව ඉදිරිපත් කරාට වරිස්ට ඒ නම දුන්න හැබෑම වාලුකා කුසුම එහෙමත් නැතිනම් Desrt Flower/Rose කියන්නෙ මොන වගේ එකක්ද කියල කිසිම අදහසක් තිබුනේ නැහැ. ඇත්තටම කිව්වොත් අදහසක් තිබ්බ නමුත් ඒ තිබ්බ අදහසත් වැරදි නිසා තමයි මුළු ජංජාලය පුරාම බැලුවත් හොයාගන්න ලැබුනෙ නැත්තෙ.

Japanese Roseහේතුවකට හෝ අහේතුවකට හදිස්සියකට ඒදණ්ඩකවත් යන්න බැරි තරමේ බක පණ්ඩිතයෙක් වෙන මම, මේ කියන අපූරු මල අනිවාර්යයෙන්ම කාන්තාර වලට ආවේනික පතොක් හෝ කටු පඳුරු වර්ගයකට අයත් විය යුතු බවට පුර්ව නිගමනයකට එළඹිලා හිටිය. ඔය නිසා හෙව්ව බලපු හැම තැනම ගස් වල හැදෙන නානාප්‍රාකාර මල් ගැන උනන්දු උනා මිසක හැබෑම වාලුකා කුසුම ඉබේම මග හැරුන.   ඔහොම හිතාගෙන සර්ච් කරනකොට නිතරම ආවේ අපි “ජපන් අරලිය” කියන මල් විශේෂය (Adenium obesum).

ඒ නිසා වරිස් ගැන ලිපිය ලියල අහවර කරත් ඒ ලිපියට මේ ගැන කිසිවක් ඇතුළත් කරන්න ලැබුනෙ නැහැ … නමුත් අර විභාගෙකට ලියල ගෙදර ඇවිල්ලත් වද දෙන උත්තරයක් නොදන්නා ප්‍රශ්නයක් වගේ හිතේ කොනක ඇනි ඇනී මේ කාරණේ රැඳිලා තිබ්බ. වාසනාවට ලිපිය අන්තර් ජංජාලෙට මුදා හැරල වැඩි  දවසක් යන්න කලියෙන් උත්තර මාව හොයාගෙන ආව අටම්පහිය වත්පොත් සමූහයේ සාමාජිකයන් දෙපලක් වෙන රුවනි සහ යොශික යන දෙන්න මාර්ගයෙන්. Continue reading “සෝමාලි කතා ~ VIII කොටස”

කෝපි (කාලේ) කතා ~ I

Coffee

නාරායන් සමග හැලපයියගෙ කෝපි කතා සහ කෝපි ඉතිහාසය

මේ ලිපිය බාගෙට ලියල දැන් අවුරුදු දෙකක් වෙන්න කිට්ටුයි … ඔය අතර කිහිප වතාවක්ම ලියන්න පටන් අරන් නැවැත්තුව නිසා එකම එක අච්චාරුවක් වගේ කතාවලට සම්බන්ධ උදවියටත් තේරුණොත් …  කතාවේ මුල මැද අග හොයා ගන්න බැරි උනොත් ගණන් ගන්න එපා … අපි .. අපිනෙ … තව පාරක් හම්බ වෙලා දෙක තුනක් අනුමත වෙලා තෝරා බේරා ගන්න බැරුවය … 🙂

මේ කතා වස්තුවේ නිධාන කතාව පටන් ගන්නෙ සකල සිරින් පිරි සිරි ලංකාවේ සති තුනකට එහා ගතකරල ආපු නිවාඩුවත් එක්කම. ආපහු ආ වෙලේ ඉඳන් අහවර කරන්න තියෙන දේවල් පටන් ගත්තහම ඉස්පාසුවක් නැහැ. නමුත් කන්තෝරුවෙදි හිතට පොඩි නිදහසක් ගන්න ඕන වෙච්චි ගමන මොකක් නමුත් කියවන්න හිතුන. ඒත් ප්‍රශ්නයක් මොකද්ද කියවන්නෙ ?

ඕං එතකොට තමයි සාජ ඉඳල ඕමාන් වල මස්කට් දක්වාත් එතන හිටං ලංකාවේ වේයන්ගොඩ දක්වාත් පෙරුම් පුරලා … පුරලා …  බොහොම අමාරුවෙන් හොයාගෙන හොයාගෙන ගොහින් සෙට් වෙච්චි හැලප කඩේ අධිපති හැලපයියව මතක් උනේ. තව මෙදා පාර අර බ්ලොග් ලියන ලියපු ගල් මුදලාලි කෙනෙක් ඉන්නෙ .. සජ්ජ කියල … දන්නවද ? ආන් ඒ පඩංගුවේ සජ්ජවයි හැලපයියවයි හම්බ වෙලා ආවට හිතේ හැටියට සෙට් වෙන්නනම් බැරි උනා. Continue reading “කෝපි (කාලේ) කතා ~ I”

Sinhala Aluth Avurudu

හිරු නොබසිනා දූපතේ සවාරිය ~ IV කොටස

Tilting Train

පෙන්ඩොලීනෝ, අණ්ඩග්‍රවුන්ඩ් සහ බෝම්බ

මෙවර හිරු නොබසිනා දූපතට යෙදුණු සවාරිය අතරමැද්දට හිරවුණු සති අන්තය තුළ කුමක් කරන්නේද යන්න ගැන වැඩි දුර සැලැස්මක් අප දෙදෙනාටම තිබුනේ නැත, එමෙන්ම ලිච්ෆීල්ඩ් සහ බර්මින්හැම් අවට නැරඹීමට ඇති බොහෝ දේ ඒ වන විටත් නරඹා අහවරය.

අප සංචාරයට යොදාගෙන තිබුණු තැන් ගැන විමසු කණ්ඩාගේ කන්තෝරු සගයින් ඔලොක්කුවට කියා සිටියේ ඒ සියල්ල වඩා ගැලපෙන්නේ කුඩා ළමුන්ට උවත් කණ්ඩාට නම් අවුලක් නැති බවය 😀

එනිසා අවසානයේදී අප තීරණය වූයේ ඒ සියල්ල අත්හැර නැවත ලන්ඩන් නුවර බලා යන්නටය ! Continue reading “හිරු නොබසිනා දූපතේ සවාරිය ~ IV කොටස”

බිං කුණ්ඩා සහ කණ්ඩා !

al-bin-kunda

සාමාන්‍යයෙන් සතියේ දිනයන්හි ගෙදර සිටිනා පොඩිම එකා ඉස්කෝලේ යවන්නට සියල්ල සපුරා දීම සඳහා හාමිනේ අකමැත්තෙන් උවද උදේ පාන්දරම අවදි වන්නේය …

බූරුවෝ හත් දෙනෙකුගේ වයස ගියත් ගෙදර ඉන්නා පොඩිම එකා අන් කිසිවෙකු නොව කණ්ඩාය, පොඩි එවුන් නැති තැන් වල නාකි දණ ගානවා කියන්නේ කට කහනවාටම නොවේ … 🙂 Continue reading “බිං කුණ්ඩා සහ කණ්ඩා !”

දුටු නොදුටු මැද පෙර දිග !

desert-sunset-and-a-camel-caravan

මැද පෙරදිග පිළිබඳව අන් බොහෝමයක් දෙනා මෙන්ම කණ්ඩා හටත් අසා ඇති දේ සහ ඇත්ත තත්වය අතර විශාල පරතරයක් මුලදී දැනුන බව සත්‍යයකි.

මෙම බොහොමයක් ඍණාත්මක හැගීම් සහ වැරදි අදහස් වලට විවිධාකාර හේතූන් ඇත. එයින් සමහරක් දේ සත්‍යය වන නමුත් තවත් සමහරක් බටහිර ජන මාධ්‍ය විසින් ඒක පාර්ශවීයව සිදු කරන ප්‍රචාරයන් හේතුවෙන් මවනා ලද පටු ආකල්පයන්ය. Continue reading “දුටු නොදුටු මැද පෙර දිග !”

WordPress.comහි බ්ලොග් සටහනක්.

ඉහළ ↑

%d bloggers like this: