චීන කොරෝනාව හේතුවෙන් මාස දෙකහමාරකට අධික වර්ක් ෆ්‍රොම් හෝම් නිද්‍රා සමයකට යටත්ව සිටි බොහෝ දෙනා මෙන්ම කණ්ඩාද සිටියේ මහත් සිත් තැවිල්ලෙන් සහ නොඉවසිල්ලෙන් බව කියන්නට ඕන. එකම සැනසීම අපි දෙන්න මෙන්ම අනෙක් නෑදෑ හිතවතුන් සියල්ල කොරෝනා වලින් බේරී යහපත් සෞඛ්‍ය තත්වයෙන් සිටීමත් විතරයි. හෝව් .. හෝව් .. තව පොඩ්ඩෙන් අමතක වෙනව … යාළුවො හැමෝම බේරුනා කියල කියන්නත් බැහැනෙ ! Continue reading “වර්ක් ෆ්‍රොම් හෝම්, හෝම් වර්ක් සහ කොරෝනා”
මාස්ක්වාදය වැළඳ ගැනීම
හාමිනේට වගේම උන්දැලාගේ පවුලේ උදවියටත් ජෙප්පන් නයාට අඳු කොළ වැනිය, පුටින්ට චෙච්නියන්කාරයන් වැනිය … හේතුව දැනට තිස් අවුරැද්දකට කලින් හාමිනේගේ මව ඝාතනයට පැමිණි රතු සහෝදරවරැ ඇය සොයාගත නොහැකි වූ තැන නිවැසියන් ඉදිරිපිටදීම නිවසට බෝම්බ ප්‍රහාරයක් එල්ල කර පලා යාමයි. එහෙව් එකේ ජෙප්පන් කළ කී දෑ මතක තියෙනා එළඹි සිහියෙන් යුතු සියළුදෙනාට ජෙප්පන් මෙන්ම මාස්ක්වාදයත් ඇලජික්ය.
නමුත් පවතින කොරෝනා තත්වය ඒ හැම දෙයක්ම උඩුයටිකුරු කර අවසානය. මාස්ක්වාදය කෙරේ එතරම් කළකිරීමක් සහ වෛරයක් ඇත්තවුන්ටද අවසානයේ මාස්ක්වාදය වැළඳ ගැනීමට සිදු වීම ජීවිතයේ තවත් එක දරැණු අයිරනියකි. මාස්ක්වාදයේ පරාද කිරීමේ පරම අදිටනින් පනස් අවුරැද්දකට අධික සීතල යුද්ධයක නිරත වුණු මහා බල සම්පන්න ඇමරිකාවට පවා අවසානයේ මාස්ක්වාදය වැළඳ ගන්නට වූ කල අපි වැනි හුදී ජනයා ගැන කවර කතාද? Continue reading “හාමිනේලාගේ කතා VII”
බුද්ධ වර්ෂ 2562 ක් වූ මැදින් මස 28 වැනි දින මැදක් නැති පෙරදිග එක්සත් අරාබි රාජ්‍යයේ සිටදීය.
ලොව පැතිර යන කොරෝනා හෙවත් කොවිඩ්-19 (Covid-19) වසංගත තත්වය මත නිවාස තුලටම කොටු වී ගෙවන පළමු සතියේ අවසානයි මේ. දෙරණ නාලිකාවෙන් රතන සූත්තරේ සජ්ජායනය කරපු නිසා තිස් තුන් කෝටියක් දෙවි දේවතාවන්ගේ පිහිටෙන් කොරෝනා වෛරස බහුතරය සෝවාන් වී ඇත. ඒ ආනුභාවයෙන් ලක්ෂයක පමණ වූ ආසාදිතයන්ගේ ප්‍රමාණය මේ වනවිට ලක්ෂ හය දක්වා අඩු වී ඇත. සාදූ … සාදූ … සාදූ … !
(පිරිත් ගැන වැඩි විස්තර සර්වඥ ගොමා සංගමේ ගරු ලේකම් පාදඩදෙණිය මහතාගෙන් දැන ගත හැක)
සියල්ල සිදු වන අතරතුර ආගම් සාත්තරකාරයන් සියල්ලන්ටත් දෙවියන් අමතකකර තත්වය පාලනය කිරීමට නවීන වෛද්‍ය විද්‍යාවේ සහය පැතීමට සිදුවීම දෛවයේ සරදමකි. කලින් පශ්චාත්භාගය උඩ දාගෙන පන්සල් පල්ලි හොයාගෙන ගිය එවුන් දෙකොන පියාගෙන ගෙවල් වල වීම ඉතාමත් හොඳ ප්‍රවණතාවයකි. තත්වයේ දරුණුකම නොතකා කටයුතු කරන ආගමික හිඟන්නන්ට බැටන් පොලු පහර දෙමින් එලවන එකද සිදුවන බව පෙනේ, ඒ ඉල්ලන් කෑමක් නිසා කිසිඳු වැරද්දක් දැකිය නොහැක. Continue reading “කොරෝනා රොටි”
වොඩ්ක ඩයිහයිඩ්‍රොක්සයිඩ්
කණ්ඩ කලිං වැඩ කරපු සුපිරි කන්තොරුවෙ කතා කිහිපයක්ම කලින් ලියල තියනවනෙ ඒ නිසා ඒ ගැන අමුතුවෙන් අටුවා ටීකා ටිප්පණි අනවශ්‍යයි. වාසනාවකට හෝ අවාසනාවකට අපේ හාමිනෙත් ඔය ඔපීසියෙම ඔපිසර තැනක් … දෙන්න යන්නෙ එන්නෙ කන්නෙ බොන්නෙ එකටමයි … කන්තොරුවෙ කොයිතරම් නානාප්‍රකාර සීදේවි ලලනාවො හිටියත් මං නෙමෙයි ඔන්න ඇහැක් ඇරල ඒ දිහා හොරෙන් බැලුවෙ … බලන දෙයක් දෑසින්ම එළිපිටම තමා 🙂
වැඩ රාජකාරි හුස්මක් කටක් ගන්න බැරි තරමට තද උනාට බොහොම අපූරු කණ්ඩායමක් එක්ක වැඩ කරන්න අවස්ථාවක් ලැබුණ. ආයි එකකට එකෙක් සමාන නැහැ හරියට නිකං විශ්ව ගම්මානයක් වගේ, හැම රටකින්ම ආපු ඈයො හිටිය. Continue reading “සන්ටා සහ බන්ටාගේ කතා ~ I”
කෑම සහ ඉල්ලං කෑම
සාමාන්‍යයෙන් කණ්ඩ කන්තොරුවෙ වැඩ අහවර කරල ගෙදර ආවහම පොතක් පතක් කියවනවට වඩා දවසේ වැඩ කතා බහ කරන ගමන් හාමිනේ කියන දෙයක් අහගෙන හූ මිටි තියන ගමන් Netflix ටෙලි වෘතාන්තයක් අස්සට රිංගල අතුරුදහන් වෙන එක තමයි සිද්ධ වෙන්නෙ … ඔව් කන්තෝරුවෙත් අයිස් ගෙදරත් අයිස්ම තමයි (එහෙම හිතා ගන්නකෝ … 🙂 ) !
ගෙදර ඇවිල්ල ඇඳුම් මාරු කරගෙන මම කඩවසම් රූපවාහිනිය (නෑ .. නෑ .. මම නෙමෙයි කඩවසම් කිව්වෙ රූපවාහිනිය … අර Smart TV කියන්නෙ) ඉස්සරහ වාඩි උනා විතරයි … හාමිනේ බොහොම ආදරයෙන් ඒක නෙමෙයි බ ..බා …. කියල බොහොම ආදරෙන් ඇදල පැදල කතාව පටන් ගන්නකොටම මම දන්නව එන්නෙ හොඳ පොටකට නෙමෙයි බව. අනේ ඉතිං එහෙම පටන් ගන්න වාක්‍ය බොහෝ විට ඉවර වෙන්නෙ … අද රෑට කන්නෙ මොනවද … ? කියල. Continue reading “හාමිනේලාගේ කතා වස්තුව ~ VI කොටස”
නයිරෝබි නරි නාටක සහ ඇදගෙන නෑම
මේ ඔක්කොම දේවල් ඉවර වෙලා අපිව ආයෙමත් ගුවන් යානයට නැග්ගුව, අන්තිමේදි අපි නයිරෝබි වලට ගොඩබානකොට නියමිත වෙලාවට වඩා පැයකටත් වඩා ප්‍රමාදයි. අපේ ෆ්ලයිට් එක මිස් උන නිසා මීළඟට තියෙන මොන දහිරිවාට්ටුවක හරි එල්ලිලා ආපහු ඩුබායි යනව කියල අපි හිත හදාගෙන හිටියෙ. ඩෙනිස් හිටිය නිසා මටත් ඒ ගැන එහෙමට අවුලක් තිබ්බෙ නැහැ, ඔලුවෙ තිබ්බ එකම දේ ආපහු බෑග් එක අර ගන්න එක විතරයි.
නමුත් අපි යානයෙන් එළියට එනකොටම ඉතියෝපියන් ගුවන් සේවයෙන් ඩුබායි බලා ගමන් ගන්නා මගීන් හැකි ඉක්මනින් ඇතුළු වීමේ දොරටුව (Boarding gate) වෙත යන්න කියල එතන හිටිය නිළධාරීන් දෙන්නෙක් බෑගිරි ගාන්න පටන්ගත්තෙ අපි නොහිතපු විදිහට. බලන් යනකොට ඉතියෝපියන් ගුවන් සමාගමත් හදවතින්ම ශ්‍රී ලංකිකයි, අපි යන්න නියමිතව හිටපු ගුවන් යානය පැයකටත් වඩා පරක්කු වෙලා නිසා යන්න තවමත් යන්න අවස්තාවක් තියෙනව. Continue reading “සෝමාලි කතා ~ VI කොටස”
නුබියාව නැතත් සෝමාලියාවට
කතාව පටන් ගන්න කලියෙන් කියන්නෙ මේක පට්ටම කම්මැලි හෑල්ලක්, හේතුව මේ කොටස මගේ මතකයන් අමු අමුවේ වැමෑරීමක් සහ මේ හා සම්බන්ධ සිදුවීම් වලට පසුබිම සැකසීමක් විතරක් වීම. කණ්ඩගෙ ඇෆ්ගන් කතන්දර කියවපු අයට නම් ඒ ගැන අලුතින් විස්තරයක් ලොකුවට ඕන වෙන එකක් නැහැ … නමුත් අලුතින් කියවන අයගේ පහසුව තකා මේ ටික ලිව්වෙ එහෙම නැතිව කතාවෙ අගක් මුලක් නැති වෙයි කියල හිතුන නිසා.
සුපිරි කොම්පැණිය කියන්නෙ කණ්ඩට ජීවිතේ ගැන කියල දීපු, එතෙක් දැනගෙන හිටියයි කියල හිතපු හැම දේම උඩුයටිකුරු කරපු අමතක නොවෙන හොඳ සහ නරක මතකයන් රාශියක් තිලිණ කරපු තැනක්. කොටින්ම බණ්ඩ රට ආව වගේ හිටපු කණ්ඩව වලිගෙ කපල මොඩ් ගොයියෙක් කරපු ආයතනය. කණ්ඩගෙ ජීවිතේ හොඳම කාලය මෙතනට ගෙවුනත් ඒ ගැන පසු තැවිල්ලක් නැත්තෙ ඒ හැම දේම වගේ බෙදා ගන්න හාමිනෙත් හිටපු නිසා. Continue reading “සෝමාලි කතා ~ I කොටස”
රස ආප්ප සහ රස වතුර
වර්තමානයේ ඉතිරි වෙලා ඉන්න වානර විශේෂ ඉන්නව නේද … “ඔරන්උටං” (Orangutan) , “ගෝරිල්ලො” (Gorilla), චිම්පන්සියො (Chimpanzee) සහ අනිත් වඳුරෝ වගේ නෙමෙයි ලෝකෙටම ඇණයක් වෙලා ඉන්න අර මයිල් නැති වානරයො සෙට් එක … එක එක පාටට සයිස් එකෙන් හිටියට මුන් ඔක්කොම “හෝමෝ සේපියන්ස්” (Homo sapiens) කියලනෙ පොදුවේ හඳුන්වන්නෙ.
ඒත් එහෙමත් මදි, ඔය අලගිය මුලගිය තැන් හොයන්න තියන කැසිල්ල නිසා තමයි අපිට ඉස්කෝලෙ යන කාලෙ නීග්‍රොයිඩ් (Negroid), මොන්ගොලොයිඩ් (Mongoloid) සහ කෝකසොයිඩ් (Caucasoid) කියල තව අනු වර්ග තුනක් ඉගැන්නුවෙ.
හැබැයි නුතන මානව විද්‍යාව ගත්තහම සමාජය හිතන ආකාරයේ වෙනස්කම්, වර්ගවාදී බවින් මිදිල මේ දිහා බලන්න පුළුවන් සමාජීය, ජෛව විද්‍යාත්මක සහ භාෂාමය විධික්‍රම දැන් තිබෙන නිසා දැන් මේව භාවිතයෙන් ඈත් වුණු යල් පැනගිය බෙදීම්. නමුත් උ.බු.ජ. (උගත් බුඩ්ඩිමත් ජනතාව) අතුරින් මංතුමා වගේ පුෂ්ටිමත් පුද්ගලයෙක්ට ඔය බෙදන වැඩේ බාර දුන්න නම් ඕක බෙදන්නෙ “සරම් & චීත්ත” කියල විතරයි. Continue reading “හාමිනේලාගේ කතා වස්තුව ~ V කොටස”
චීන චයිනීස් සහ හොට් පොට්
අද කියන්න ලෑස්ති වෙන චීන කතා ඇදිලා ආවෙ අර කට කහන කතා ලියන දුමී කියන හාදය කොල්ලුපිටියෙ චීනගෙ චයිනීස් ජොයින්ට් එක ගැන රසවත් පරණ මතක අවුස්සපු නිසා. (ඔන්න කියවන්න කම්මැලි නැති ඈයො ඉන්නව නං මෙතනින් ගිහිං අටම්පහියෙ තියන ඒ ලිපි කියවන්න පුළුවන් : 1 කොටස , 2 කොටස )
බම්බලපිටිය සහ කොල්ලුපිටියෙ කරක් ගහපු අපේ සහ එයට කලින් පරම්පරාවෙ උදවිය චීනා සහ මැලේ ජොයින්ට් එක අහිමි වීම අදටත් සලකන්නෙ ජාතික අපරාධ විදිහට …. සුන්දර අතීත මතක කොයිතරම් තිබ්බ තැන්ද ?
කණ්ඩ හාහාපුරා රස්සාවක් කියල දෙයක් කරන්න පටන් ගත්තෙ DP Aides ආයතනයේ තොරතුරු තාක්ෂණය පිළිබඳ ඇසිස්ටන්ට් ලෙක්චර කෙනෙක් විදිහට ( ඒක මේ විශ්ව විජ්ජාල වගේ ලොකු කතන්දරයක් නෙමෙයි, බොහොම පොඩි ජොබ් එකක් ). ලංකාවෙ පටන් ගත්ත මුල්ම තොරතුරු තාක්ෂණ අධ්‍යාපන ආයතන වලින් එකක් වෙන මේක පිහිටලා තිබ්බෙ බම්බලපිටියෙ ඩුප්ලිකෙෂන් පාරෙ පරණ කරවෑන් එක ඉස්සරහමයි. Continue reading “චීන කතා ~ I කොටස”
කණ්ඩාගේ කොලම ~ Kanda's Column 