සෙවීම

කණ්ඩාගේ කොලම ~ Kanda's Column

මග තොට, වග තුග – Travel & Lifestyle

කවියකුගේ අබිනික්මන …

මගේ නිර්මාණයක් නොවුණත් මේ කවිය පල කරන්න මා වෙත එවපු නිසා මොකද්දෝ හේතුවකට හිත ගැස්සුනා, බොහොම තදට වැදුණා … එනිසයි පල කරන්න හිතුවෙ 😦

අවසන් කවිය ලියනට නෙත කදුලු පිරී
පන්හිද අතට ගමි සරසවි දෙසට හැරී
කවිකම අතැර ඉන්නට මට නමුත් බැරී
කවියට සමුදෙන්න මට දැන් කාලෙ හරී

කරමින් රූසිරිය වර්ණා කෙලෙස් ගගේ
පිහිනා සිටිය කාලය ඇතිබවක් හැගේ
හොදහැටි වැටහුනා බියකරු සසරෙ රගේ
සදහම් ඔරුව පැද ගොඩයමි සසර ගගේ Continue reading “කවියකුගේ අබිනික්මන …”

Advertisements

නත්තල් පප්පා වෙත ආදරයෙන් ලියමි !

Sad Christmas

අති ගරු කණ්ඩාචාර්යතුමා,
OCD – Uස්වැටKයියාව, BBQ – Soමාලියා, දිවයිනෙත් නැති සාම විනිසුරු
(බල්ලෙක්වත් නැති) අපේ කන්තෝරුව,
මැදක් නැති පෙරදිග,
ඔටුවංගේ රට.

ක්‍රිස්තු වර්ෂ 2018 ක් වූ දස වෙනි මස 24 වැනිදා

සැන්ට් නිකුලස්,
ආයතන ප්‍රධානී – නත්තල් තෑගි බෙදීමේ මධ්‍යස්ථානය,
උතුරු පොල්ල, පිණිමුවා ජනපදය,
හෝ ..හෝ.. හෝ .. ලන්තය.

මයි ඩියර්* දයා බර නත්තල් පප්පේ,

නත්තල් තෑගි / තෑගි අයදුම් පත්‍රය පිලිබඳ පැමිණිලි

අහිංසක හොඳ ළමයෙක් වන මා අනිත් නාහෙට නාහන උන් වගේ නොව පසු ගිය අවුරුද්දේ ඉතාමත් යහපත් කල් කිරියාවෙන් ගෙවූ බව දැනුම් දෙන්නට කැමැත්තෙමි.

සැලකිය යුතුයි : බුකියේ එවුන් ලියන වඳුරු කුණුහබ්බ කියවා ඒවාට කමෙන්ට් කිරීම, ඉඳහිට අපාය සහායක යාලුවෙක්ගේ වැරදි ආස්සරය නිසා දෙකක් නවා ගත්කල දේසපාලුවන්ගේ සහ උන්ට කඩේ යන උන්ගේ මව්පියවරු සිහි කරමින් ජාතිය ඇමතීම වැනි දෑ නොසලකා හැරිය හැකි අංශුමාත්‍ර වැරදි යයි සිතමි. Continue reading “නත්තල් පප්පා වෙත ආදරයෙන් ලියමි !”

අඩු වියදම් කාර්‍යක්ෂම මී උගුල

Mouse Looking Terrified

මීයන් අල්ලං .. අල්ලං .. අල්ලං ..

ඔන්න කාලෙකට පස්සේ අනිත් රටේ ලෝකෙ වැඩ වලින් නිදහස් වෙලා ආයෙමත් කණ්ඩගෙ බ්ලොග් මැසිම පණගහල ගන්න හිතුව, එහෙම කිව්වට ඉතිං ලියන්න දෙයකුත් එපායැ ඒ හන්ද මැසිම රත් වෙනකං පොඩි හෑල්ලක් දානව අදට.

ඇත්තටම මේක මම මීයො ගැන පොස්ට් එකකට කමෙන්ට් එකක් විදිහට කොටන්න ලියාපු එකක්, නමුත් කොහොමින් කොහොමහරි ඒක මග අරුන නිසා කතාවක් විදිහටම දාන්න හිතුන. මේ මීයො ගැන කතන්දර උගේ බ්ලොග් එක හරහා මුලින්ම ඇවිස්සුවේ පැණ්ඩෙක්, නිකම්ම නිකං පැණ්ඩෙක් නෙමෙයි රතු පැණ්ඩෙක් !

හැබැයි මුට වල් පැණ්ඩ කියලත් කියනව ඒ නම් වර්ගයාටත් වඩා කල් කිරියාව නිසා. දැන් අහන්න එපා චීනෙන් රතු දත්ත පොතට ගිය එවුන් කොහෙද ලංකාවෙ බ්ලොග් ලියන්නෙ ? වගේ අපිට උත්තර දෙන්න බැරි කතන්දර 🙂 Continue reading “අඩු වියදම් කාර්‍යක්ෂම මී උගුල”

වර්ඩ්ප්‍රෙස් බ්ලොග් අඩවියක් හදමු ~ XII කොටස

How-to-add-social-media-to-WordPress

වර්ඩ්ප්‍රෙස් අඩවියට සමාජ ජාල සම්බන්ධ කිරීම

පාඨක ඔබගෙන් වෙනත් ඉල්ලීම් නොලදහොත් මේ වර්ඩ්ප්‍රෙස් බ්ලොග් අඩවියක් සාදා ගන්නා අකාරය පිළිබඳව ලියවෙන අවසාන ලිපියයි. මෙම ලිපි පෙළෙන්  කවුරුන් හෝ යමක් ඉගෙන ගත්තා නම් එය කණ්ඩාට සතුටකි. “නෙදකින් වදන්තද” යයි මුමුණමින් කාට හෝ මුලගින්න තද උනේ නම් එයද අප්‍රමාණ සතුටකි 🙂

බ්ලොග් අඩවි ප්‍රවර්ධනය සඳහා සමාජ ජාල අඩවි ප්‍රයෝජනයට ගත හැකි බව පෙර ලිපියෙන් කතාබහ කළ නිසා මෙම ලිපියෙන් පහත දැක්වෙන මාතෘකා ඉදිරිපත් කරන්නට බලාපොරොත්තු වෙමි :

  • ඔබගේ බ්ලොග් අඩවියට Facebook පිටුවක් සාදා ගැනීම
  • ඔබගේ Facebook පිටුව බ්ලොග් අඩවියට සම්බන්ධ කිරීම

  • බ්ලොග් අඩවියට Facebook විජට් ඇතුළත් කිරීම
  • බ්ලොග් අඩවියට Instagram විජට් ඇතුළත් කිරීම

ෆේස්බුක් සහ Instagram වලට අමතරව Google+, TumblrTwitter වැනි අනෙකුත් සමාජ ජාල සමග සම්බන්ධ වීමේ පහසුකම්ද ඇති අතර, එම සමාජ ජාල හා සම්බන්ධ වීමට මෙය පෙරහුරුවක් වනු ඇත. මෙම සමාජ ජාල ගිණුම් භාවිත කිරීම අත්‍යවශ්‍ය නැතත් ඒවා ඔබට පහසු සහ අවශ්‍ය ආකාරයට යොදා ගැනීමෙන් ඔබ බ්ලොග් අඩවියට පැමිණෙන පාඨක සංඛ්‍යාව වර්ධනය කර ගැනීමට අවස්ථාව ඇත. Continue reading “වර්ඩ්ප්‍රෙස් බ්ලොග් අඩවියක් හදමු ~ XII කොටස”

ශිල්ප කාලා නිදි !

Art by Joanne

ඇත්ත ඇති සැටියෙන් කියනව නං කලාව කියන දේ ලඟින්වත් ගෑවිලාවත් නොගිය මනුස්සයෙක් තමයි මේ කණ්ඩ කියන්නෙ, ඔය නොදන්නා මගුල් කරන්න ගොහින් වෙච්චි අකරතැබ්බ සහ අහ ගත්ත කුණු කතා ගැන තමයි අද මේ කියන්න යන්නෙ.

ඔය කලාව කිව්වට ඉතින් ඉස්කෝලෙ යන්න පටන් ගත්තු සන්දියේ ඇටිකිච්ච කාලෙ කලාව කියල එකක දැනං උන්නේ නැහැ නෙව, අපි දැනගෙන හිටියෙ චිත්තර, කවි සිංදු සහ නැටුම් කියන හතර වරිගයනෙ. ඒකෙනුත් අම්මයි තාත්තයි කියපු විදිහට නැටිල්ල තමයි කණ්ඩට හොඳටම පිහිටලා තිබ්බෙ හැබැයි ඒකට හොඳක් කියනව වෙනුවට පොල්කටු හැඳි මිටෙන් හරි ළඟ පාත කඩා ගන්න තිබ්බ ක්‍රෝටන් කොටුවකින් තමයි අම්මගෙනුයි තාත්තගෙනුයි දෙන්නගෙන්ම සමබරව හම්බ උනේ. Continue reading “ශිල්ප කාලා නිදි !”

වර්ඩ්ප්‍රෙස් බ්ලොග් අඩවියක් හදමු ~ XI කොටස

Promote-your-blog 2

බ්ලොග් අඩවි ප්‍රවර්ධනය කිරීම

ඔබ බ්ලොග් අඩවියක් සාදා ගත් පමණින් එය වටා විශාල පාඨකයන් පිරිසක් එක් රොක් වේ යයි ඔබ සිතන්නේ නම් එය වැරදි වැටහීමකි. බ්ලොග් අඩවිය ප්‍රචලිත කිරීම සහ එමගින් පාඨකයන් හෙන්වා ගැනීම සඳහා ඔබ අතින් නිරතුරුව සිදු විය යුතු කරුණු කාරනා කිහිපයක් ඇත.

මේ සඳහා අමතර ශ්‍රමයක් වැය කිරීමට සිදු වනවා මෙන්ම ඒ සඳහා කාලය කැප කරන්නට අවශ්‍ය කාලය සහ ඉවසිලිවන්ත බවද ඔබ සතු විය යුතුය. ඒ මෙම කාර්යයන් ඉටු කිරීමට මෙන්ම ඒවායේ ප්‍රථිපල ලැබීමටද අවුරුදු කිහිපයක කාලයක් ගත විය හැකි නිසාය.

සැලකිය යුතුයි :

රෝමය එක දිනකින් ගොඩ නැගුවේ නැත ~ Rome Wasn’t Built In a Day ! 😀

Continue reading “වර්ඩ්ප්‍රෙස් බ්ලොග් අඩවියක් හදමු ~ XI කොටස”

කන්තාරයේදී සිත බැඳුණු ගීත …

Arabic Music

කණ්ඩා අරාබි කාන්තාරෙට ගොඩ බැහැල දැනට එකොළොස් අවුරුද්දකට වැඩියි, ඒ දශකයකට අධික කාලය පුරාවට අරාබි බාසාව ඉගෙන ගන්න නොලැබුණේ කණ්ඩා අරාබි කොම්පැණියක කඹුරා නැති නිසාත් මෙහෙ ඉන්න ඔටුවො අපිත් එක්ක නොපෑහෙන නිසාත් තමයි. සමහර විට යටි උගුරෙන් කියවන අරාබි බසේ ඇති කටෝර ස්වභාවයට ඇති අසාත්මිකතාවයත් මෙයට බලපාන්න ඇති.

කණ්ඩා යන හැම රටකම ආගම, ඉතිහාසය සහ සංස්කෘතිය ගැන සැලකිලිමත් වෙනවා වගේම තමන්ගෙ ජීවිතෙන් තුනෙන් පංගුවක් ගත කරපු රට ගැන හොයන්නත් උනන්දුයි. එහෙම හොයා ගත්ත විස්තර, රස කතා ලියන්න කියන්න වෙලාවක් හොයා ගන්න අමාරුව තමයි තියෙන්නෙ 🙂

නමුත් ජීවිතේ ඉතිරි කාලෙත් කාන්තාරෙට සින්න වෙන්න නොදී ඉදිරි අවුරුදු දෙක තුන ඇතුළත මෙහෙන් චුත වෙන්න හිතාගෙන ඉන්න එකේ අරාබි කලාපයේ තියන නොයෙක් දේ ගැන ඉඩ තියන විදිහට ලියන්න හිතුන. සංගීතයේ සයන්න දන්නෙවත් නැති උනාට මුලින්ම ලියන්න හිතුනෙ සංගීතය ගැන. Continue reading “කන්තාරයේදී සිත බැඳුණු ගීත …”

වර්ඩ්ප්‍රෙස් බ්ලොග් අඩවියක් හදමු ~ X කොටස

Wordpress Password

අමතක වූ වර්ඩ්ප්‍රෙස් මුරපද අලුත් කිරීම

වර්ඩ්ප්‍රෙස් මුරපද අලුත් කිරීම හෙවත් පාස්වර්ඩ් රිකවරි (Password Recovery) සිදුකරනා ආකාරය පැහැදිලි කරනා බවට කණ්ඩා පසුගිය ලිපියෙන් පොරොන්දු වූ නිසාත්, කණ්ඩා දේශපාල අඥානයෙක් නොවන නිසාත් මේ ලැහැස්තිය පොරොන්දුව ඉටු කිරිමටය.

මුරපදය අමතක වීම මනුස්ස ගතියකි එයට සමාව දීම වර්ඩ්ප්‍රෙස් ගතියකි, කෙසේ වෙතත් ඔබ මෙතෙක් කල් කමෙන්ට් කිරීමට භාවිත කළ වර්ඩ්ප්‍රෙස් ගිණුමේ මුරපදය නැතිවූ විට පහත දැක්වෙන දේවල් වලින් එකක් හෝ කිහිපයක් හැකි අයුරින් සම්පුර්ණ කරන්න (මේ සියල්ල පසුගිය දෑවුරුද්ද තුළ කණ්ඩාචාර්යතුමාට ලැබුණු ප්‍රතිචාර ඇසුරින් බව කරුණාවෙන් සලකන්න 😀 )

  • වර්ඩ්ප්‍රෙස් කියන්නෙ මහා ජරාවක් බව හන්දියේ කඩේ මුදලාලිගේ සිට අල්ලපු ගෙදර ටොමියා දක්වාත් දන්නා කියනා සියළු දෙනාටම පවසන්න
  • ආපෝ … වර්ඩ්ප්‍රෙස් වල කමෙන්ට් කරන්න අමාරුයි පාවිච්චි කරන්න එපා යයි සෑම කෙනාම හැකි පමණින් අධෛර්යයට පත් කරන්න
  • වදන්තද බ්ලොග් අඩවියක් කියවන වාරයක් පාසා වර්ඩ්ප්‍රෙස් කණ්ඩායමේ සහ වර්ඩ්ප්‍රෙස් බ්ලොග්කරුවන්ගේ මාපියවරුන් සිහිකර පිං පැමිණවීමට පියවර ගන්න

( දැනට හිටංතුමාගේ, අප්පොච්චිගේ, බීන්තුමාගේ සහ ට්‍රම්පයියාගේ මව්පියන් හැරුණුකොට මෙතේ බුදුන්ගෙන් පසු නිවන් දකින පෝලිමේ පිං මලු කර තියාගෙන මුලින්ම ඉන්නේ වර්ඩ්ප්‍රෙස් භාවිත කරන උදවියගේ දෙමව්පියන්ය 😀 . එමෙන්ම මෛත්‍රී බෝධිසත්වයන් නම වෙනස් කරගන්නට යන බවද ආරංචිය )

  • කවුරු කියූවත් මුරපදය නැතිවීම සහ එය අලුත් කරනා විදිහ පිළිබඳ නොදැදැනුවත්කම කිසිවිටෙකත් තමන්ගේ වැරද්දක් ලෙස කිසිඳු ආකාරයකින් පිළිනොගන්න

ඉහත සඳහන් දේ සම්පුර්ණ කර සීතල වතුර වීදුරුවක් පානය කිරීමෙන් අනතුරුව ඔබගේ වර්ඩ්ප්‍රෙස් ගිණුමේ මුරපදය අලුත් කරන්නේ කෙසේද යයි විමසා බැලීමට කැමති නම් තවදුරටත් මෙම ලිපිය කියවන්න. Continue reading “වර්ඩ්ප්‍රෙස් බ්ලොග් අඩවියක් හදමු ~ X කොටස”

වර්ඩ්ප්‍රෙස් බ්ලොග් අඩවියක් හදමු ~ IX කොටස

Wordpress Comments

වර්ඩ්ප්‍රෙස් බ්ලොග් වල කමෙන්ට් කිරීම/ප්‍රතිචාර දැක්වීම

මෙම කොටස වෙන් වන්නේ වර්ඩ්ප්‍රෙස් බ්ලොග් ලිපි සඳහා කමෙන්ට් කිරීම (Commenting) හෙවත් ප්‍රතිචාර දැක්වීම පිලිබඳ විස්තර කිරීමටයි. වර්ඩ්ප්‍රෙස්හි වයන්නවත් නොදන්නා සහ ඉගෙන ගැනීමටද උනන්දුවක් නොගන්නා බහුතරයක් සිංහල බ්ලොග්කරුවන්ගේ අප්‍රසාදයට වර්ඩ්ප්‍රෙස් හසු වීමට ප්‍රධාන හේතුවක් ලෙස ඔවුන් ඉදිරිපත් කරන්නේ කමෙන්ට් කිරීමට ඇති අපහසුවයි. පසු ගිය ලිපි කිහිපය පුරාවට විවිධ අය නොයෙක් ආකාරයෙන් මේ පිළිබඳ විමසූවේය :

  • ඇයි වර්ඩ්ප්‍රෙස් මේ තරම් ගණන් ? (යැංකි ඌස්නෙ වෙන්ටෑ)
  • ඇයි වර්ඩ්ප්‍රෙස් වල කමේන්ට් දාන්න අමාරු ?
  • කමේන්ට් දාන්න හැම පාරකම වර්ඩ්ප්‍රෙස් වලට ලොග් වෙන්න ඕනද ?
  • වර්ඩ්ප්‍රෙස් වලට ලොග් වෙන්නෙ නැතුව කමෙන්ට් දන්නා බැරිද ?
  • අපි දාන වර්ඩ්ප්‍රෙස් කමෙන්ට් පෙන්නන්නෙ නැහැනෙ ?
  • වර්ඩ්ප්‍රෙස් වලට ලොග් වෙලා කමේන්ට් දැම්මම බ්ලොගර් එකට ලොග් වෙන්න බෑනෙ ?
  • ඇයි වදන්තද කාරයන්ට බ්ලොගර් පාවිච්චි කරන්න බැරි ? (ඇයි බ්ලොගර් පප්පලට වදන්තද අරහන්ද ?)

අන් සෑම දෙයක්ම මෙන් මෙම ප්‍රශ්න පිටුපසින් ඇති ලොකුම කාරණය නොදැනුවත්කමයි, එය වෙනස් කිරීම දැනුම ඇත්තන්ගේ කාරියයි. වර්ඩ්ප්‍රෙස්හි කමෙන්ට් කරන්නට අපහසුයි යන දුර්මතය ඒ පිලිබඳ දැනුවත් කිරීම මගින් මදක් හෝ බිඳ දමන්නට හැකි උවහොත් එය කණ්ඩා ලබන කුඩා ජයග්‍රහණයකි. Continue reading “වර්ඩ්ප්‍රෙස් බ්ලොග් අඩවියක් හදමු ~ IX කොටස”

WordPress.comහි බ්ලොග් සටහනක්.

ඉහළ ↑

%d bloggers like this: