අම්මා …

අකලට සැඟවුනිය ඉරුදෙවි පෙර     පවට
වියැකුණි එළිය මග සෙව් තුනු දරු කැලට
නොනිමි විරියකින් දිවි බර ගෙන     උරට
විය ඇය පුන් සඳක් දිදුලන දිව රෑ   දෙකට

පෙන්වා මග නොමග සදමින් සෙවන නිති
වැරදුනු තැනක වෙර දී සිප් සදා          සති
විනි දිවිපහුර සවි පවසනු වදන්         නැති
හද රැඳි සෙනේ පාමින් නිති පුදමි        තුති

සුභ උපන්දිනයක් අම්මා !

ජංගම සමයන් ~ 2 කොටස

ජංගම මාටිං සහ අපේ ගඩොල් බාගෙ !

ඔන්න ඉතින් පැය ගාණක් ගිහිල්ලත් අපේ ජංගමය චාජ් වෙලා ඉවර උණේ නැහැ නෙව, ඉතින් එහෙමයි කියල රෑ දෙගොඩ හරි ජාමයක් වෙනකම් ඇහැරිලා ඉන්නැයි ? ඕකට ඇහැ ගහගෙන ඉඳල හෙම්බත් වෙච්චි අපි නිදා ගත්ත.

හැබැයි ගඩොල් බාගේ නිදි නෑ, අර වීදුරු පටිය කොනේ තියන බල්බ් එක නිවෙනවයි පත්තු වෙනවයි හරියට කවුරු හරි එක ඇහැක් ඇර ඇර වහනවා වගේ. මේක එකැස් කන ෆෝන් එකක් 🙂

ජංගම සමයන් ~ 1 කොටස

ජංගමයා

මට එදිනෙදා රාජකාරි වගෙම පුද්ගලික ජීවිතයෙදිත් අකමැතිම කැමති දේ තමයි ජංගමයා කියන්නෙ,

කොටින්ම මේ උලව්ව ඇතුවත් බෑ නැතුවත් බෑ හරියට කාන්තා පාර්ශවය වගේ !

“ඔය කිව්වට මොන කෙහෙල් මලකටද එහෙනං කොයි වෙලාවෙත් ඕක අතේ තියං ඇන ඇන ඉන්නෙ එතකොට ?”

“අපි හිටියෙ නැතිනම් වෙන හරිය බලා ගන්න තිබුණ, මළ විකාර කාටද මේව්වා කියන්නේ ?”

පොඩ්ඩක් බෝලෙ උස්සල දුන්න ගමන් තක්බීර් වෙලා යන්න ඒ ඩෑෂ් පාර දුන්නේ වෙන කවුරුවත් නෙමෙයි සහෝදර සහෝදරියනි කණ්ඩගේ හොඳම බාගෙ හෙවත් හාමිනේ, සභාවෙන් දෙන්න හොඳ අත්පොළසන් නාදයක් 😀

හරි ගෘහස්ථ ප්‍රචණ්ඩත්වය පොඩ්ඩකට අමතක කරමුකෝ … එතකොට කවුද බොලේ ජංගමයා ???

කූඩු හැදිල්ල, ඔට්ටපාළු සහ උණ කැපිල්ල!

තවත් එක වෙසක් දිනක් උදා විය, එලෙසම එය අවසන් විය. ඒ සමගම කුඩා කල අපට රස විඳින්නට ලැබුණු වෙසක් සිහියට නැගීමෙන් කණ්ඩාගේ සිතට සියුම් සතුටක් මෙන්ම දුකක්ද කාන්දු විය.

දැන් අමු කම්මැලියෙක් වන කණ්ඩා ඔටුවන්ගේ රටට පය ගැසුවාට පසු කිසිදාක වෙසක් කූඩුවක් සාදා නැත, ඒ සඳහා “රෙඩි මේඩ්” නිදහසට කාරණා කණ්ඩා සතුය, කාන්තාරයේ රට ඉඳි මිස බට පඳුරු නොවීමත් ඔට්ටපාළු ගලවා ගැනීමට රබර් වතු වල හිඟකමත් ඒ අතර ප්‍රධානය.

හාමිනේලාගේ කතා වස්තුව – III කොටස

කඩේ යෑම හෙවත් සොපින් !

පහුගිය දිනක කණ්ඩාගේ මිත්‍රයෙක් මුහුණු පොතේ කණ්ඩා විසින් හාමිනේට තද බටර් පාරක් තවරා දැමූ පින්තූරයකට “ඔය කඩේ ගිහින් තියෙන්නේ ගානට, වෙල් ඩන් !” කියා හීනියට ටෝක්කකුත් ඇන කොමෙන්ටුවක් දමා තිබුණේය … 😀

ඒ වෙන කවුරුවත් නොව කණ්ඩාත් සමග හෝමාගම පාසල් බස් රථයේම එකට ඉස්කෝලේ ගිය පරිප්පුවෙක් වෙච්චි 25 හේ මහත්තයාය, වැදගත් නෝනා මහත්තුරු වශයෙන් මුන්නැහේට 25 කියන්නේ ඇයිද යන පැනය මාගෙන් නොඅසනු ඇතැයි යන්න කණ්ඩාගෙන් බලාපොරොත්තුවය.

හිම කිරම සහ තවත් කතා !

ජනේරුවේදී මස්කට් යන්නට කිට්ටුව හිම කිරම බාල්දියකට වගකීම හේතුවෙන් මුහුණ දෙන්නට සිදු වුණු අකරතැබ්බය කණ්ඩා පසුගිය සතියේ විස්තර කළේය, එත් සමගම හිමකිරම සම්බන්ධ කතා එකින් එක කණ්ඩාගේ ඔළුවට ගලාගෙන එන්නට විය.