උයන්පුර සංචාර ~ II කොටස

අල් කට්ටාරා ක්ෂේම භූමිය

මේ ගමනේ පළවෙනි දවසෙ සැලසුම අලේන් නගරය කිට්ටුව තියන අල් කට්ටාරා (Al Qattara) සහ අල් ජිමී (Al Jimi) ක්ෂේම භුමි වල රවුම් ගහල අහවර වෙලා ඔටුවො විකුණන කඩ මණ්ඩියකටත් ගොඩ වැදිල (ඔව් .. ඔව් .. නෑදෑයො බලන්න තමයි) ජෙබෙල් හෆීත් (Jebel Hafeet) කියන එහෙමත් නැතිනම් හෆීත් කන්ද උඩත් රවුමක් ගහන්න (අරාබි බසින් ජෙබෙල්  කියන්නේ කන්ද). එදා නවතින්න තීරණය කරේ හෆීත් කන්දෙම මැදක් දුරට වෙන්න තියෙන බොහොම නිස්කලංක හෝටලේක (Mercure Grand). මේ ගැන වෙනම දවසක විස්තර අරගෙන එන්නම්.

උයන්පුර සංචාර ~ I කොටස

අලේන් උයන්පුර සිරි

කණ්ඩ දෙමහල්ලො සංචාරයට බොහොම මනාපයි කියන එක තව දුරටත් රහසක් නෙමෙයිනෙ, දෙන්නම කොයි වෙලාවෙත් කකුලක් එළියෙ තියා ගත්ත ගමන්. නමුත් අපේ හතරයි හතරේ ගමන් සගය වෙන ජීප් යන්තරේ පවුලට එකතු උන දා පටන් කණ්ඩයි හාමිනෙයි කලින් යන්න නොහිතපු තැන් වලත් හක්කලන් කරනව. අපි දෙන්නට අපි දෙන්න විතරමයි, ළමා ළපටිත් නැති ජිවිතේ බැඳීම් වලින් තොරව කොහේ හරි යන්න හිතුනද එක්කෙනෙක් අනිකගෙන් අහන පරක්කුව විතරයි … ගමනේ යා … !