සෙවීම

කණ්ඩාගේ කොලම ~ Kanda's Column

මග තොට, වග තුග – Travel & Lifestyle

මස්කට් කතන්දර ~ VI කොටස

Boat Near Bhandar Khiyran

සිෆා සහ බණ්ඩාර් ඛයිරන්

මස්කට්හි සිට සිෆා (Sifah) වෙත දිවෙන මග වැටී ඇත්තේ මනස්කාන්ත කඳුකර ප්‍රදේශයක් හරහාය, ඕමානයේ ඇති විශේෂ භූ ලක්ෂණයන් පිලිබඳ හදාරද්දී රට පුරාවට විහිද ඇති කඳු පන්තීන් ගැන විශේෂයෙන් සඳහන් කළ යුතුවාක් මෙන්ම ඒ අතර  ඉදිරියෙන්ම සිටිනා ප්‍රතාපවත් “හජාර්” කඳුවැටිය ගැන කතා බහ කිරීමෙන් වැළකීමටද බැරිය. අරාබි බසින් “ජෙබෙල් අල් හජාර්” (Jebl Al Hajar) ලෙස හඳුන්වන මෙහි සෘජු අරුත වන්නේ “ශෛලමය කඳුවැටිය” යන්නයි.

හජාර් කඳුවැටියේ එක් කෙලවරක් ඇරඹෙන්නේ ඕමානයේ උතුරු කොන වන එක්සත් අරාබි රාජ්‍යයෙන් සහ පර්සියානු මුහුදින් වටවූ මන බඳිනා “මුසන්දම්” (Musandam) ප්‍රදේශයෙනි. මුසන්දම් අර්ධද්වීපය එක්සත් අරාබි එමීර් රාජ්‍යයේ “කූඩාරම් කොත” ලෙස හඳුන්වන රට අග්ගිස්සේම පිහිටි “රාස් අල් කයිමා” (Ras Al Khaimah) එමිරේටය සහ එයිට මෙපිටින් ඇති “ෆුජෙරා” (Fujeirah) එමිරේටය නිසා ඕමානයේ අනෙකුත් ප්‍රදේශයන්ගෙන් වෙන්ව පවතින්නේය. Continue reading “මස්කට් කතන්දර ~ VI කොටස”

Advertisements

කඩ්ඩ සහ ගැලවිජ්ජාව ~ 1 කොටස

Pick up your Sword

ගනු කඩුව එනු සටනට !

ඒ අපේ අපේ මලයගෙ හෝම් කමින් (Home Coming) දවස, සිරි ලංකාවෙ සමහර පැති වල ඇට් හෝම් (At Home), ඇට් + හෝම් = ඇට්ටෝම් = ඇස්ටෝං එහෙමත් නැතිනම් දෙවෙනි ගමන කියල කියන්නෙත් ඕකටම තමයි.

හවස තියන පොඩි උත්සවේට සූදානම් වෙන්න ගෙදර සුද්ද පවිත්‍ර කරන්න, පාර විසි ගහන්න, තීන්ත ගාන්න, ලයිට් වැල් එල්ලන්න පවුලේ උදවිය සහ නෑදෑ පිරිවර ගජරාමෙට වැඩ.

ඒ වෙනකොට අපි මත්තේගොඩ ගෙදරට ගොඩ වැදිලා වැඩි කලක් ගොහින් නොතිබුණු නිසා, කරන්න දේවල් තව බොහොමයක් ඉතිරි වෙලා තිබුණ. Continue reading “කඩ්ඩ සහ ගැලවිජ්ජාව ~ 1 කොටස”

හිරු නොබසිනා දූපතේ සවාරිය ~ V කොටස

The Barking Dog

බුරන ස්ටේසම සහ දැවැන්තයෙක් හමුවීම !

ලිච්ෆිල්ඩ් (Lichfield) සිට නගරාන්තර දුම්රියකින් ලන්ඩන් යුස්ටන් (London Euston) වෙත පැමිණි අප ඉන් අනතුරුව ටියුබ්” (Tube) හෝ අන්ඩග්‍රවුන්ඩ්” (Underground) ලෙස හඳුන්වන නගරය ඇතුලත දිවෙන මෙට්‍රෝ දුම්රියකට ගොඩවීමු.

විනාඩි 30 – 40 ක ගමනක අවසානයේ දුම්රිය පොළ කිහිපයකින් මාරු වී ගමනාන්තය වෙත ලඟා වෙද්දී අප මිතුරියගේ සැමියා අප එන මග බලා සිටි බැවින් අපගේ දුම්රිය ගමන එතෙකින් නිමා විය. Continue reading “හිරු නොබසිනා දූපතේ සවාරිය ~ V කොටස”

ඩුබායි මෝටර් රථ ප්‍රදර්ශනය

Mercedes SL300 Gull Wing 7

Dubai International Motor Show – 2017

ඔන්න එහෙනං උපාසක මහත්තුරු කාණ්ඩෙම ටිෂු පෙට්ටියක් ලේන්සු කෑල්ලක් එහෙම ළඟට අරගෙන ලෑස්ති උනා නම් පෙරෙන කඳුළු වගේම බේරෙන කෙළ හත් පට්ටේම පිහිදාගන්න. ඇයි කියල තේරෙයි කියවගෙන පල්ලෙහාට යනකොට 🙂

මෝටර් රථ ප්‍රදර්ශන සහ කාර් පිස්සන් ලෙහෙසියෙන්ම සමාන කරන්න පුළුවන් බළලුන් සහ උන් පිස්සු වට්ටන කුප්පමේනියා වලට. කාර් සම්බන්ධයෙන් කවදත් උපාසක බළලෙක් වෙච්චි කණ්ඩට පසුගිය සතියේ කුප්පමේනියා වලින් අහේනියක් තිබ්බේ නැති බව කියන්න බොහොම සතුටුයි. Continue reading “ඩුබායි මෝටර් රථ ප්‍රදර්ශනය”

ජංගම සමයන් ~ 5 කොටස

Where is My Cell Phone

ෆෝන්, කැමරා ෆෝන්, NO ෆෝන් සහ ස්මාර්ට් ෆෝන් !

තමන් මිලදී ගත්තු පළමුවෙනි ජංගමයා ගැන ආපහු මතක් කරනකොට කණ්ඩා සෑහෙන්න තෘප්තිමත් පාරිභෝගිකයෙක්, මොකද කණ්ඩගේ කුළුඳුල් ජංගමයා ඒ වෙනකොට තිබුණු සියළු සිල්ලර අවශ්‍යතාවයන් වෙච්චි මල් කඩන එක, කෝල් ගන්න එක සහ SMS කෙටීම ඉහළින්ම සපුරපු නිසා.

ඔය එක්කම කැමරා ෆෝන් එකකටත් පොඩි පහේ ආසාවක් නොතිබුණා නෙමෙයි නමුත් ඒ වෙනකොට ඉතාම ප්‍රාථමික මට්ටමක තිබුණු කැමරා ෆෝන් වලින්  පින්තූර ගන්න එක කොහෙත්ම සාර්ථක නැහැ, ඒ නිසා මම එකක් ගත්තේ නැහැ. Continue reading “ජංගම සමයන් ~ 5 කොටස”

ජංගම සමයන් ~ 4 කොටස

Love Over Mobiles

මල් කැඩිල්ල සහ මෝබයිල් !

තාත්තගෙ සෙල් ෆෝන් එකට පස්සෙ අපේ ගෙදරට ජංගමයෙක්ගේ හෙවනැල්ලක් වැටෙන්නෙ කණ්ඩ රස්සාවක් කරන්න පටන් අරගෙන අවුරුදු කිහිපයක්ම ගියාට පස්සෙයි, කොටින්ම තාත්ත ගඩොල් බාගෙ ගෙනැල්ල දහ අවුරුද්දකට විතර පස්සෙ.

එතකං මේ හතර අතේම වේගයෙන් සිද්ද වෙන වෙනස්කම් දිහා පිටත ඉඳන් බලාගෙන හිටපු කණ්ඩ තවත් එක ප්‍රේක්ෂකයෙක් බවට පත් වෙලා හිටියෙ, උසස් පෙළට කණු තුනක් අරං කැම්පස් යන්න ලකුණු දෙතුන් සීයක් මදි වෙච්චි පව නිසාවෙන් ගොඩ යන විදිහක් හොයමින් හිටිය කණ්ඩට වෙනත් විකල්පයක් තිබුනෙත් නැහැ 🙂 Continue reading “ජංගම සමයන් ~ 4 කොටස”

ජංගම සමයන් ~ 3 කොටස

Mobile Phones Shrinking in Size

ගඩොල් බාගෙන් සාක්කුවට !

කණ්ඩලගෙ ගෙදරටත් ජංගමයෙක් වැඩපු හින්ද ඒකෙන් දුසිම් ගානක පුංචම්මල, බාප්පල, නැන්දලා, මාමලා එක්ක පණිවිඩ හුවමාරු කටයුතු වලට වගේම තාත්තා ආරම්භ කරපු වායුසමීකරණ අලුත්වැඩියා ව්‍යාපාරයටත් ලොකු අත්වැලක් ලැබුණ.

තාත්තගෙ පාරිභෝගිකයන්ව අමතන්න, දැන්වීම් සහ බිස්නස් කාඩ් වලට දාන්න වගේම ගෙදර උදවිය එක්ක කතා බහ කරන්න, ඕපාදූප වලට කෝකටත් තෛලය වගේ අපිට තිබුණේ ඔය කියන වන් ඇන්ඩ් ඔන්ලි ගඩොල් බාගෙ තමයි. Continue reading “ජංගම සමයන් ~ 3 කොටස”

ජංගම සමයන් ~ 2 කොටස

Martin Cooper with Cellular Phones

ජංගම මාටිං සහ අපේ ගඩොල් බාගෙ !

ඔන්න ඉතින් පැය ගාණක් ගිහිල්ලත් අපේ ජංගමය චාජ් වෙලා ඉවර උණේ නැහැ නෙව, ඉතින් එහෙමයි කියල රෑ දෙගොඩ හරි ජාමයක් වෙනකම් ඇහැරිලා ඉන්නැයි ? ඕකට ඇහැ ගහගෙන ඉඳල හෙම්බත් වෙච්චි අපි නිදා ගත්ත.

හැබැයි ගඩොල් බාගේ නිදි නෑ, අර වීදුරු පටිය කොනේ තියන බල්බ් එක නිවෙනවයි පත්තු වෙනවයි හරියට කවුරු හරි එක ඇහැක් ඇර ඇර වහනවා වගේ. මේක එකැස් කන ෆෝන් එකක් 🙂 Continue reading “ජංගම සමයන් ~ 2 කොටස”

ජංගම සමයන් ~ 1 කොටස

Motorola Dynatac 8000x

ජංගමයා

මට එදිනෙදා රාජකාරි වගෙම පුද්ගලික ජීවිතයෙදිත් අකමැතිම කැමති දේ තමයි ජංගමයා කියන්නෙ,

කොටින්ම මේ උලව්ව ඇතුවත් බෑ නැතුවත් බෑ හරියට කාන්තා පාර්ශවය වගේ !

“ඔය කිව්වට මොන කෙහෙල් මලකටද එහෙනං කොයි වෙලාවෙත් ඕක අතේ තියං ඇන ඇන ඉන්නෙ එතකොට ?”

“අපි හිටියෙ නැතිනම් වෙන හරිය බලා ගන්න තිබුණ, මළ විකාර කාටද මේව්වා කියන්නේ ?”

පොඩ්ඩක් බෝලෙ උස්සල දුන්න ගමන් තක්බීර් වෙලා යන්න ඒ ඩෑෂ් පාර දුන්නේ වෙන කවුරුවත් නෙමෙයි සහෝදර සහෝදරියනි කණ්ඩගේ හොඳම බාගෙ හෙවත් හාමිනේ, සභාවෙන් දෙන්න හොඳ අත්පොළසන් නාදයක් 😀

හරි ගෘහස්ථ ප්‍රචණ්ඩත්වය පොඩ්ඩකට අමතක කරමුකෝ … එතකොට කවුද බොලේ ජංගමයා ??? Continue reading “ජංගම සමයන් ~ 1 කොටස”

WordPress.comහි බ්ලොග් සටහනක්.

ඉහළ ↑

%d bloggers like this: