කණ්ඩා අරාබි කාන්තාරෙට ගොඩ බැහැල දැනට එකොළොස් අවුරුද්දකට වැඩියි, ඒ දශකයකට අධික කාලය පුරාවට අරාබි බාසාව ඉගෙන ගන්න නොලැබුණේ කණ්ඩා අරාබි කොම්පැණියක කඹුරා නැති නිසාත් මෙහෙ ඉන්න ඔටුවො අපිත් එක්ක නොපෑහෙන නිසාත් තමයි. සමහර විට යටි උගුරෙන් කියවන අරාබි බසේ ඇති කටෝර ස්වභාවයට ඇති අසාත්මිකතාවයත් මෙයට බලපාන්න ඇති.
කණ්ඩා යන හැම රටකම ආගම, ඉතිහාසය සහ සංස්කෘතිය ගැන සැලකිලිමත් වෙනවා වගේම තමන්ගෙ ජීවිතෙන් තුනෙන් පංගුවක් ගත කරපු රට ගැන හොයන්නත් උනන්දුයි. එහෙම හොයා ගත්ත විස්තර, රස කතා ලියන්න කියන්න වෙලාවක් හොයා ගන්න අමාරුව තමයි තියෙන්නෙ 🙂
නමුත් ජීවිතේ ඉතිරි කාලෙත් කාන්තාරෙට සින්න වෙන්න නොදී ඉදිරි අවුරුදු දෙක තුන ඇතුළත මෙහෙන් චුත වෙන්න හිතාගෙන ඉන්න එකේ අරාබි කලාපයේ තියන නොයෙක් දේ ගැන ඉඩ තියන විදිහට ලියන්න හිතුන. සංගීතයේ සයන්න දන්නෙවත් නැති උනාට මුලින්ම ලියන්න හිතුනෙ සංගීතය ගැන.
කිව්වත් වගේ සාම්ප්රදායික අරාබි සංගීතයත් තරමක් කටෝරයි, නමුත් ඒ අතරින් බටහිර ජනප්රිය සංගීතය සමග මුසු වුණු අතලොස්සක් වූ ගායක ගායිකාවන්ගේ සීමිත ගීත කිහිපයක් සහ බුරි නැටුම් (Belly Dance 😀 ) කණ්ඩාගේ සිත තදින් ඇඳ බැඳ තබාගන්නට සමත් !
හාමිනේගේ කතුරෙන් බේරිලා “බෙලී ඩාන්ස්” ගැන වෙනම ලිපියක් ලියන්නට කණ්ඩා හිතන නිසා ඒ ගැන විස්තර පසුවට ගෙන එන නිසා එතෙක් මේ ලිපියෙන් උත්සාහ ගන්නෙ අරාබි ජාතික/සම්භවයක් ඇති ගායක ගායිකාවන්ගේ මා සිත්ගත් ගීත කිහිපයක් හුදී ජනයාගේ ලාම්පු සංවේගය පිණිස පිරි නමන්නයි.
El Arbi
Singer : Khaled, Language : Arabic, Lyrics : Lyrics-On
Aicha
Singer : Khaled , Language : French , Lyrics : Lyrics-On
Didi
Singer : Khaled , Language : Arabic , Lyrics : MEPOP
Abul Kadir
Singers : Khaled, Rachid Taha, Faudel , Language : Arabic , Lyrics : Lyrics-On
Tamally Maak
Singer : Amr Diab, Language : Arabic , Lyrics : Lyrics Freak
Nour El Ein
Singer : Amr Diab, Language : Arabic , Lyrics : Lyrics Translate
Wayah
Singer : Amr Diab , Language : Arabic , Lyrics : Lyrics Translate
Ya Habibi Yalla / Yalla bina Yalla
Singer : Nancy Ajram, Language : Arabic, Lyrics : Lyrics Translate
Ya Tabtab
Singer : Nancy Ajram , Language : Arabic , Lyrics : Lyrics Translate
Salma Ya Salama
Singer : Dalida, Language : Arabic and Spanish , Lyrics : Lyrics Translate
Allah Allah Ya Baba
Singer : Saber El Rebai, Language : Arabic, Lyrics :
Asha Asha
Singer : Kuwait Sand Band , Language : Arabic
මතු සම්බන්ධයි !
පසු ලිපි :
ඉහත ගායක ගායිකාවන් අතරින් පහත දැක්වෙන තුන්කට්ටුව මැදපෙරදිග අතිශයින් ජනප්රියය ඔවුන් ගැන කාල වෙලාව ඇති පරිදි වැඩි විස්තර ගෙන ඒම කණ්ඩාගේ ඉදිරි බලාපොරොත්තුවයි.
- කලිඩ් (Khaled / Khaled Hadj Ibrahim) – Algeria/France
- අමර් දියාබ් (Amr Diab) – Egypt
- නැන්සි අජ්රම් (Nancy Ajram) – Lebanon
~ කණ්ඩා !
නොවැම්බර් 4, 2018 at 5:25 ප.ව.
අපූරුයි කණ්ඩා! විවිධ සංස්කෘතීන් එකිනෙකට වෙනස් වූ අපූරු සුන්දරත්වයක් සඟවා ගෙන තිබෙනවා. ඒ මිහිරියාව විඳින්නට අවස්තාව ලැබෙන පිරිස සීමිතයි
කැමතියිLiked by 1 person
නොවැම්බර් 4, 2018 at 7:15 ප.ව.
ස්තූතියි, ඔව් සංචාරය තරම් ඇස් පාදන තවත් දෙයක් තියනව නම් ඒ කියවීම විතරයි. නමුත් යමක් ලබා ගන්න තව දෙයක් කැප කරන්නම වෙනවලු. මට ලංකාවෙ වැඩිය ඇවිදින්න හම්බ වෙලා නැහැ. කාලය තියනකොට කාසි නෑ … කාසි තියනකොට රටින් පිට 🙂
ජීවිතේ හැටි !
කැමතියිකැමතියි
නොවැම්බර් 5, 2018 at 5:13 පෙ.ව.
මෙයින් මේ “ආස වල්ල“ කියන සිංදුව නං අහල තියෙනව. ඕක අපේ නන්ස්ටොප්වල පට්ට ගහන සිංදුවක් නෙ. මීට අවුරුදු පහ හයකට කලින් රාමසාන් කාලෙ ආවා බොහොම ලස්සන අරාබි සිංදුවක් රබානකුත් තිබ්බද කොහෙද. අනේ ඒක හොයාගන්න බැරිවුනා ආයි.
කැමතියිLiked by 1 person
නොවැම්බර් 5, 2018 at 9:52 පෙ.ව.
ඔව් “Asha Asha” ලංකාවෙ බොහොම ජනප්රිය වුනා නමුත් අරාබි ගීත අතරින් ලොව පුරා වඩාත් ජනප්රිය “Didi” සහ “Habibi / Nour El Ain” 😁
කැමතියිකැමතියි
නොවැම්බර් 5, 2018 at 5:51 පෙ.ව.
කන්තාරයේදී සිත බැඳුණු ගීත විතරද? ඇයි කන්තාරයේදී සිත බැඳුණු / රැදුනු ලදුන් නැද්ද?
කැමතියිLiked by 1 person
නොවැම්බර් 5, 2018 at 9:48 පෙ.ව.
එහෙම ලලනාවෝ එමටය … නමුත් ගෙදර ලලනාව සිහිකරගෙන සිත තද කරගෙන බවුන් වඩමි 😀 😂
කැමතියිකැමතියි
නොවැම්බර් 5, 2018 at 7:20 පෙ.ව.
ඇඟිල්ලෙන් ඇනලා, උලුප්පලා පෙන්නලා දෙද්දී නොබලා කොහොමද. මිහිරි ගීත සමුච්චයක්. අරාබි රටවලත් දැන් ටිකක් වැඩි නිදහසක් තියෙනවා වගෙයි, ඓශුවල්ස්වලින් නම් පෙනෙන්නේ . ස්තුතියි කණ්ඩා, හැබැයි පැය බාගේකටත් වැඩිය හොරා ගත්තා!
කැමතියිLiked by 1 person
නොවැම්බර් 5, 2018 at 9:47 පෙ.ව.
විෂුවල් වල වගේම බොහොම ලිබරල් විදිහට නිදහසේ කෙලිදෙලෙන් ජීවත් වෙන්න බැරිකමක් නෑ මැදපෙරදිග. හැමෝම අන්තවාදීන් ලෙස බටහිර මාධ්ය මවපු වැරදි චිත්රයක් තවමත් බොහෝ දෙනා දකිනව. අරාබි ලෝකයෙන් සවුදි අරාබිය විතරයි තවම ගල් යුගයෙ ඉන්න දගලන්නෙ, එයත් දැන් හෙමින් වෙනස් වෙනව 😁
අර හොරකම් කරපු පැය බාගෙ රසවින්ද නම් එචිචරයි 👍
කැමතියිකැමතියි
නොවැම්බර් 5, 2018 at 8:55 පෙ.ව.
ඒයාර් ලයින් පයිලට්ල එනවුන්ස්කරන වචන නම් සොෆ්ට් ටෝන් එකකින් ඇහෙන්නෙ. උගුරෙන් එන සද්ද වැඩිවුනාට හාර්ඩ් ටෝන් එක අඩුයි
කැමතියිLiked by 1 person
නොවැම්බර් 6, 2018 at 10:56 පෙ.ව.
අගේ ඇති සින්දු ටිකක්නෙ.
ඔය කලීඩ් කියන උන්දැගෙ සින්දුනං අර බංගාරා සින්දු ආව කාලෙ ලංකාවෙත් ජනප්රිය උනා. කොටින්ම මාගාවත් මිනිහගෙ කැසට් එකක් තිබුණ.
ඔහෙටත් ඉතිං බුරියක් බලන්නැතුව ඉන්න බෑ නේද.
කැමතියිLiked by 1 person
නොවැම්බර් 6, 2018 at 3:35 ප.ව.
කලීඩ් තමයි ලෝකෙ ජනප්රියම අරාබි ගායකය.
අනේ ඉතිං පෙන්නනවනං බැලුවම මොකෝ … 😁
කැමතියිLiked by 1 person
නොවැම්බර් 8, 2018 at 9:22 පෙ.ව.
එල කිරි! මං දැන් ඉන්න කැන්ගරු රටේ ලැබ් එකෙත් ඔටුවෝ දෙතුන් දෙනෙක් ඉන්නවා. උන්ගේ භාෂාව තමයි දිරවන්නේ නැත්තේ.
හැබැයි සින්දු නම් හොඳයි වගේ. අහලා බලන්න ඕනේ.
කැමතියිLiked by 1 person
නොවැම්බර් 11, 2018 at 4:29 ප.ව.
ලැබ් ඔටුවන්ගෙ භාෂාවෙන් කතා කළොත් සිංහලෙන් කියවන්න 😀
මට නම් අල්ලලා ගියේ අතලොස්සක් වූ මේ සින්දු විතරයි 🙂
කැමතියිකැමතියි
නොවැම්බර් 9, 2018 at 2:12 පෙ.ව.
කොටට ඇඳන් නටන කෙල්ලෝ ඉන්න සින්දුත් තියනවනේ. මිහිරක් එතරම් නැහැ වගේ අහපු ඒවායේ. මම හිතුවේ අරාබියෝ සින්දු කියන්නේ නැහැ කියල. සමහර මුස්ලිම් ආගමිකයෝ නච්ච ගීත වාදිත එකක්වත් කරන්නේ නැහැ නේද?
කැමතියිLiked by 1 person
නොවැම්බර් 9, 2018 at 3:37 ප.ව.
ලංකාවෙත් පන්සල් ගානෙ බඩ ගාගෙන වැදි බණ කියාගෙන රඟපාන හක්කෙ බුදුරැස් බොක්කෙ දඩමස් උපාසක, උපාසිකාවො ඉන්නවනේ … මැදපෙරදිගත් එහෙමම තමා. නමුත් ඉන් අදහස් වෙන්නෙ නෑ ලිබරල් අදහස් ඇති උදවිය බහුතරයක් ඉන්නව කියන එක. ඒත් ආගමික අනිතවාදීන් සහ බටහිර මාධ්ය මේ කලාපය ගැනම බොහොම වැරදි චිත්රයක් මවනව.
UAE, Oman සහ Jordan වගේ රටවලට ගිහින් බලන්න ඒ රටවල් අපි නොහිතන තරම් නිදහස් වගේම බටහිර සහ බොහොමයක් ආසියාතික රටවල් වලට වඩා ආරක්ෂිතයි 😁
කැමතියිකැමතියි
නොවැම්බර් 9, 2018 at 3:38 ප.ව.
අර නටන ගායිකාවගේ ගීතය තියෙයි කියලා බැලුවා.
එක නැහැ.
මොනව වුණත් ඉටිකිරිඤං වගේ බබලතීලා නම් ඉන්නවා නේද?
අද මං රේන් කෝට් එකක් ගන්න මුස්ලිම් ගෙදරකට ගියා.
හරිම පියකරු යුවතියක්, අවසනාවකට වහලා ගොඩාක්.
කැමතියිLiked by 1 person
නොවැම්බර් 11, 2018 at 4:26 ප.ව.
//අර නටන ගායිකාවගේ ගීතය තියෙයි කියලා බැලුවා.
එක නැහැ. //
ඒ කොයි එකද ?
ඉටිකිරිඤං වගේ බබලතීලා එමට ඇත, නමුත් රූපය පමණක් සෑහේද?
කැමතියිකැමතියි